“Matamata taudia ediai kwara gorerena na e bada hereamu​—bona social media na una gorere e habadaiamu ḡauna badana ta.”​—Dr. Vivek Murthy, U.S. surgeon general, New York Times, June 17, 2024.

 Edena dala ai tama sina ese social media ena dika amo natudia bae gimadia diba? Baibul ese idia bae badina diba heduru herevadia na e heni.

 Mani ini Baibul ena hahekau herevadia ba lalo.

 ‘Lalo-parara tauna ese e rakalaiamu dalana na e haeroamu.’​—Hereva Lada-isidia 14:15.

 Social media ena dika na mai dibamu dainai, basio laloa natumu ba koua na kerere. Natumu ese social media do se ḡaukaralaia neganai, namona na ba diba guna ia be heḡereḡere o ato negadia be badinamu, tura namodia be hetura henidiamu, bona laulau dikadia basine itamu.

•   Diba ma haida bavabi totona, ini atikol ba duahidia “Natugu ese Social Media Baine Ḡaukaralai Diba, A?” bona “Natumu ese Social Media Baine Ḡaukaralaia Namonamo Dalana ba Hadibaia.”

 “E henimui negana ba ḡaukaralaia namonamo.”​—Efeso 5:16.

 Bema natumu ese social media na baine ḡaukaralaia diba, namona na taravatu haida bavato bona ba hadibaia unu taravatu ese ia na be gimaia dibamu. Natumu ena kara toadia ba diba, bema ena kara na e idau, ba diba social media iḡaukaralaina karana baine hamaraḡia na namo.

•   Waitbod katun Intanet Ba Ḡaukaralaia Namonamo ba ḡaukaralaia natumu ba durua taravatu bavato ena maoro baine diba.

 Baibul na e gwa ita na “dina gabedia ai” ta nohomu dainai “nega dikadia” na be varamu. (2 Timoteo 3:1-5) To danu, hari unu hekwakwanai baita haheaukalai daladia danu Baibul ese e hadibalaidamu. Tama sina bona natudia bae durudia diba Baibul ena heduru daladia 20 mai kahana na ina atikol natu edia kwara gorerenaai bae ita diba,