LESEN 03
Baibul Na Momokani Bona Maoromaoro
Baibul ai gwauhamata herevadia bona sisiba na momo. Reana o uramu ba diba Baibul ena hahediba maorodia be dahaka, to danu reana taina o daradaramu. Una buka gunana ena gwauhamata bona sisiba herevadia bavabi dae be namo, eiava? Baibul na e gwa hari ina negai bona vaira negana ai mauri na bo moalelaiamu, to o laloamu una hereva momokani, a? Taunimanima milion momo ese una hereva na e abia daemu. Mani baita itaia oi be dahaka bo dibaiamu.
1. Baibul ai ta duahimu sivaraidia be momokani, a?
Baibul na e gwa, ena “hereva momokanidia [na] e tore maoromaoro.” (Kohelete 12:10) Ia ese taunimanima korikoridia e herevalaidia. (Mani Luka 1:3; 3:1, 2 aita duahidia.) Histori e tore taudia bona akioloji taudia momo ese e hamomokanimu, Baibul ese sivarai lalodiai e gwaurai laḡanidia, taunimanima, gabu, bona ḡau ma haida na momokani bona maoromaoro.
2. Dahaka dainai baita gwa diba Baibul na dia buka gunana?
Baibul ese e herevalai ḡaudia momo na gabeai taunimanima ese e lalopararalai. Heḡereḡere, ia ese tanobada o saiens topik momo e herevalai. Matamanai, taunimanima momo e laloava Baibul ena hereva na dia momokani. To hari, saiens taudia ese e hamomokanimu, Baibul ese e herevalai ḡaudia iboudiai na momokani bona maoromaoro. Baibul ‘ena hereva na baita abidadama henia diba, hari ela bona hanaihanai.’—Salamo 119:160, NWT.
3. Dahaka dainai baita gwa diba Baibul na vaira negana e perovetalaia?
Baibul ena peroveta * herevadia momo anidia na “do asie vara.” (Isaia 46:10) Ia ese idaunegai e perovetalai ḡaudia (historical event) momo na gabeai e vara momokani. Baibul ese danu iseda negai e varamu ḡaudia momo na e perovetalaidia. Ina lesen ai, Baibul ena peroveta herevadia haida baita itamu. Bona idia anidia e vara momokani na hoa ḡauna!
POIN MA HAIDA
Baita itaia edena dalai hari saiens taudia e gwaumu Baibul ena hereva na momokani. Bona peroveta herevadia haida baita stadilaidia namonamo.
4. Saiens taudia ese e hamomokaniamu Baibul ena hereva na momokani
Gunaguna, taunimanima momo e laloava tanobada na ḡau ta latanai heato kau. VIDIO aita itaia.
Mose ese Iobu bukana na laḡani 1473 B.C.E. ai e torea, to mani unu laḡani 3,500 gunadia ai e tore herevadia haida aita ita. * Mani Iobu 26:7 aita duahia, bena ina henanadai ba haerelaia:
-
Baibul e gwa, tanobada na “dia ḡau ta latanai.” Una hereva be ede o laloa tomamu?
Medu e dihomu bona e daemu dalana (water cycle) na taunimanima ese laḡani 1800 muridiai e lalopararalaia. To laḡani tausen momo gunadia ai Baibul ese madu e herevalaia dalana aita itaia. Mani Iobu 36:27, 28 bona Kohelete 1:7 aita duahidia, bena ini henanadai ba haerelaidia:
-
Baibul ese water cycle e herevalaia dalana be ede o laloa tomamu?
-
Ini siri amo o hamomokanimu Baibul na momokani bona maoromaoro, a?
5. Baibul ese e perovetalai ḡaudia ma haida
Mani Isaia 44:27—45:1, 2 aita duahidia, bena ina henanadai ba haerelaia:
-
Baibul be dahaka ḡau e perovetalai bena anidia na laḡani iboudiai 200 muridiai Babulon e moru negana ai e ḡuḡuru?
Histori ese e hamomokaniamu, laḡani 539 B.C.E. ai, Pesia ena King Kurese (Cyrus) bona ena ami ese Babulon siti e hadikaia. Idia ese siti e gimaiava sinavaina e ha kororoa. Danu, siti ena geit iboudiai na hehekeho daidiai, ami na se tuari to geit amo e vareai bena Babulon e abia. Hari, laḡani iboudiai 2,500 muridiai, Babulon na tano kavakava. Baibul ena peroveta herevana mani aita ita.
Mani Isaia 13:19, 20 aita duahidia, bena ina henanadai ba haerelaia:
-
Ina peroveta herevana anina Babulon ai be ede e ḡuḡuru toma?
Hari, Iraq ai, Babulon na tano kavakava
6. Hari matada ai ta itamu ḡaudia momo na Baibul ese e perovetalai
Baibul na e gwa, ita na “dina gabedia” ai ta nohomu. (2 Tim 3:1) Mani Baibul ese ina nega e perovetalaia dalana aita itaia.
Mani Mataio 24:6, 7 aita duahidia, bena ina henanadai ba haerelaia:
-
Baibul na e gwa, dina gabedia ai be dahaka be varamu?
Mani 2 Timoteo 3:1-5 aita duahidia, bena ini henanadai ba haerelaidia:
-
Baibul na e gwa, dina gabedia ai taunimanima be dahaka be karamu?
-
Ini kara idauidau amo, oi be ededia vada o ita?
TAUNIMANIMA HAIDA NA E GWAUMU: “Baibul na buka gunana.”
-
O laloamu dahaka dainai baita abia dae, Baibul na momokani bona maoromaoro?
POIN BADADIA
Histori, saiens, bona peroveta hereva iboudiai ese oi e hadibamumu Baibul na momokani bona maoromaoro.
Riviu
-
Baibul ai ta duahimu sivaraidia be momokani, a?
-
Baibul be ededia topik haida e herevalaidia bona saiens taudia ese e hamomokanimu danu?
-
O laloamu Baibul ese vaira negana e perovetalaia, a? Dahaka dainai unu o gwau tomamu?
HEDURU ḠAUDIA MA HAIDA
Saiens taudia e gwaumu Baibul ena hereva haida be kerere, a?
“Saiens Taudia Bona Baibul” (Web atikol)
“Dina gabedia” ai be dahaka e varamu?
“Peroveta Herevadia 6 E Ḡuḡurumu Na O Itamu” (Gima Kohorona, May 1, 2011)
Greek Empire ese Baibul ena peroveta herevadia e haḡuḡuru daladia mani ba ita.
Peroveta herevadia ese tau ta e durua Baibul e abidadama henia dalana mani ba itaia.
“Na Laloava Dirava Na Se Nohomu” (Gima Kohorona No. 5 2017)
