Enn Bondie Ki Ena Lamour Kapav Beni Ou pou Touletan
Eski ou pa anvi viv dan enn lemond kot pena lager, violans, ek dezakor?
Eski ou pa anvi ki maladi, soufrans, ek lamor disparet?
Eski ou pa anvi viv dan enn lemond kot ou pena okenn traka?
Eski ou pa anvi viv dan enn landrwa ki pa pou detrir par bann katastrof natirel?
Nou Bondie ki ranpli ar lamour ek ki Kreater nou zoli planet, finn promet ki bann dimounn pou viv ere pou touletan dan lape. Ek sa, se pa enn rev.
Dan bann lartik ki swiv, ou pou trouve:
Ki nou Kreater kontan nou
Ki mesaz Bondie ena pou nou
Ki bann profet Bondie finn dir lor bann bon kitsoz ki Bondie pe fer ek pou fer pou nou
Kouma Bondie ed nou pou ki nou ere asterla ek dan lavenir
Pou koumanse, anou get bann kitsoz ki Bondie donn nou ek ki prouve ki Li kontan nou.
