LARTIK KOUVERTIR | OU KAPAV KONPRAN LABIB
Kifer Li Inportan Nou Konpran Labib?
“Labib se enn liv relizie ki boukou dimounn kone. Me se enn liv etranze ar ki bann Sinwa pa tro abitie.”—LIN, LA CHINE.
“Mo pa mem konpran bann liv sakre larelizion Indou. Kouma mo pou kapav konpran Labib?”—AMIT, L’INDE.
“Mo ena respe pou Labib ki enn liv bien ansien ek mo’nn tann dir se enn liv ki bien vande. Me momem zame mo’nn trouv enn Labib.”—YUMIKO, JAPON.
Partou dan lemond, boukou dimounn ena enn gran respe pou Labib. Me kitfwa zot pa tro kone ouswa zot pa kone mem ki ena dan sa liv-la. Li vre ki sa konsern plizir milyon dimounn dan l’Asie, me li konsern osi boukou pei kot Labib bien distribie.
Me kitfwa ou demann oumem: ‘Kifer mo bizin konpran Labib?’ Ofet, kan ou konpran seki ena dan Labib, sa kapav ed ou pou:
-
Ena lazwa ek konn vre boner
-
Regle bann problem familial
-
Fer fas ar bann traka
-
Amelior ou relasion avek lezot
-
Bien konn zer ou larzan
Anou pran lexanp Yoshiko ki res Japon. Li ti anvi kone ki ena dan Labib ek li’nn desid pou lir sa liv-la par limem. Kouma sa finn ed li? Li dir: “Gras-a Labib, mo lavi ena enn sans ek mo ena enn lesperans pou lavenir. Asterla, mo vremem satisfe.” Amit, ki nou ti mansione avan, ti desid pou examinn Labib par limem. Li dir: “Mo ti vremem etone. Dan Labib ena bann konsey itil pou tou dimounn.”
Labib finn inflians plizir milyon dimounn. Kifer ou’si ou pa examinn li ek gete kouma li kapav ed ou?
