Mijere video iray na ny video rehetra ao amin’ny fizarana iray. Azonao aato, averina, na aroso haingana ny video.

•  Hitady sy handefa video iray

•  Handefa ny video rehetra ao amin’ny sokajy iray na ao amin’ny lohateny iray

•  Zavatra azo atao amin’ny video

•  Hanova ny firafitry ny video

Midira ao amin’ny ZAVATRA MISY > VIDEO raha hijery ny video rehetra, anisan’izany ny video nalaina tao amin’ny studio Tele JW.

Mifidiana sokajy iray.

Misy lohateny maromaro ao anatin’ny sokajina video iray. Akisaho miankavia na miankavanana ireo video raha hitady video fanampiny ao anatin’ny lohateny iray ianao, na tsindrio ilay hoe Hijery Azy Rehetra.

Ampiasao ny iray amin’ireto soso-kevitra ireto raha hijery na hizara video iray:

• Tsindrio ilay hoe Handefa.

• Tsindrio ilay hoe Haka raha te hitahiry an’ilay video ao amin’ny ordinateranao na amin’ny fitaovana elektronika ampiasainao ianao. (Fanamarihana: Mety hila programa fanampiny ny fitaovana sasany vao ho afaka haka rakitra. Raha misy JW Library ny fitaovana ampiasainao, dia aleo mampiasa an’io programa io rehefa maka video sy mijery an’ilay izy tsy mila Internet.)

• Tsindrio ilay hoe Hizara raha misy olona tianao handefasana rohy mankany amin’ilay video. Raha mila fanazavana fanampiny dia jereo ilay hoe “Hizara Rohy Mankany Amin’ny Lahatsoratra, Video, na Boky ao Amin’ny JW.ORG.”

• Raha hijery video amin’ny fiteny hafa ianao dia fidio eo amin’ny lisitry ny Fiteny eo akaikin’ny lohatenin’ilay video ny fiteny tianao hijerena azy.

Tsindrio ilay hoe Tsy Milahatra, ao amin’ny sokajy iray, raha te handefa ny video rehetra ao ianao ary tsy handeha arakaraka ny filaharany izy ireo.

Misy fomba roa ireto raha te handefa ny video rehetra eo ambanin’ny lohateny iray ao anatin’ny sokajy iray ianao:

• Tsindrio ilay hoe Handefa Azy Rehetra, eo akaikin’ilay lohateny, raha te hijery ny video rehetra ao ianao, ary hisesy hanaraka ny filaharany ao izy ireo.

• Tsindrio ilay hoe Tsy Milahatra, eo akaikin’ny lohateny, raha te hijery ny video rehetra ao ianao, ary tsy hisesy hanaraka ny filaharany izy ireo.

Fanamarihana: Hijanona ho azy ilay izy rehefa tapitra nandeha daholo ny video rehetra tao amin’ny sokajy iray na teo ambanin’ny lohateny iray.

Ireto avy ny zavatra azonao atao rehefa mijery video ianao:

• Tsindrio ilay hoe Hameno Efijery raha tianao hatao mameno efijery na miverina tsy mameno efijery ilay video.

• Tsindrio ny Hampiato raha tianao haato ilay video.

• Tsindrio indray ny Handefa raha te hanohy ianao.

• Sintony miankavia na miankavanana ny bokotr’ilay video raha te hijery ny any aloha na any aoriana ianao.

• Tsindrio ilay sarina Fanamafisam-peo ary akisaho ny haavony raha tianao hampiakarina na hampidinina ny feony. Azonao ampiasaina koa ny bokotra mampiakatra sy mampidina feo amin’ny fitaovana ampiasainao.

Tsindrio ilay hoe Firafitra ary fidio ny hatsaran’ny sary tianao. (Fanamarihana: Tsy mandeha amin’ny programa fijerena Internet sasany io firafitra io.)

Inona no dikan’ireo tarehimarika ireo? Arakaraka ny maha ambony an’ilay tarehimarika no maha tsara ny sary mivoaka, nefa koa ilana Internet matanjaka kokoa. Fidio izay mety indrindra aminao, arakaraka ny hatanjaky ny Internet ampiasainao sy ny haben’ny efijerinao ary ny volanao.

Manazava momba an’izany ny tabilao eto ambany:

Nahoana no mila ovana ny hatsaran’ny sary? Raha miadana be ny Internet ampiasainao ka mikatso matetika ny video jerenao, dia tokony hampidinina angamba ny hatsaran’ny sary. Ataovy amin’izay mety indrindra amin’ny ordinatera na fitaovana hafa ampiasainao izany. Raha te hitsitsy vola amin’ny fampiasana Internet koa ianao, dia mety ho tsara kokoa raha atao ambanimbany ny hatsaran’ny sary.

Tsindrio ilay hoe Soratra eny Ambany raha tianao hiseho na tsy hiseho ny soratra amin’ny fiteny andefasana an’ilay video.

Fanamarihana: Tsy misy soratra eny ambany ny video sasany.