Salamo 11:1-7
Ho an’ny mpitarika. Nataon’i Davida.
11 I Jehovah no ialofako,+
Koa nahoana ianareo no sahy milaza amiko hoe:
“Mandosira toy ny vorona, dia mankanesa any an-tendrombohitrareo?
2 Jereo fa manomana* tsipìka ny ratsy fanahy;Ataon’izy ireo eo amin’ny tadin-tsipìka ny zana-tsipìkany,Mba hitifirany ny mahitsy fo, avy ao amin’ny maizimaizina.
3 Raha rava ny fototra,*Inona no azon’ny olo-marina atao?”
4 Ao amin’ny tempoliny masina i Jehovah.+
Any an-danitra ny seza fiandrianan’i Jehovah.+
Ny masony mijery, ny masony mandinika ny zanak’olombelona.+
5 Samy dinihin’i Jehovah na ny olo-marina na ny ratsy fanahy;+Mankahala an’izay tia herisetra izy.*+
6 Handrarahany fandrika* ny ratsy fanahy;Afo sy solifara+ ary rivotra mahamay no ho anjaran’izy ireo.*
7 Fa manao ny rariny i Jehovah,+ ary tia ny rariny izy.+
Ny olona manao izay mahitsy no hahita ny tarehiny.*+
Fanamarihana
^ Na: “mamoritra.”
^ Na: “fototry ny rariny.”
^ Na: “ny maha izy azy.”
^ Na mety hoe “vainafo.”
^ Abt: “anjara kaopin’izy ireo.”
^ Na: “hahazo sitraka aminy.”
