Salamo 30:1-12
-
Fisaonana lasa fifaliana
-
Mandritra ny androm-piainana ny fankasitrahan’i Jehovah (5)
-
Salamo. Hira natao tamin’ny fitokanana ny trano. Nataon’i Davida.
30 Hanandratra anao aho, Jehovah ô, fa nisintona ahy hiakatra ianao;Tsy navelanao hifaly amin’ny fahavoazako ny fahavaloko.+
2 Jehovah Andriamanitro ô, niantso vonjy taminao aho ka nositraninao.+
3 Jehovah ô, nosintoninao niakatra avy tany amin’ny Fasana* aho.+
Tsy navelanao ho faty aho; tsy navelanao hilentika tany anaty lavaka* aho.+
4 Manaova hira fiderana* ho an’i Jehovah, ry olona tsy mivadika aminy!+Isaory ny anarany masina;*+
5 Vetivety ihany mantsy izy no tezitra,+Fa mandritra ny androm-piainana kosa izy no mankasitraka.+
Mety ho tonga ny fitomaniana amin’ny hariva, fa misy fihobiana kosa rehefa maraina.+
6 Hoy aho tamin’ny mbola nilamina ny fiainako:
“Tsy ho azo hozongozonina* mihitsy aho.”
7 Jehovah ô, nataonao mafy orina toy ny tendrombohitra aho, tamin’izaho mbola nankasitrahanao.+
Rehefa nihodina tsy nijery ahy* anefa ianao, dia nihorohoro aho.+
8 Ianao foana no nantsoiko, Jehovah ô!+I Jehovah foana no nitalahoako famindram-po.
9 Inona moa no soa azo raha maty aho* ka midina any an-davaka?*+
Ny vovoka angaha hidera anao,+ na hilaza momba ny tsy fivadihanao?+
10 Mihainoa, Jehovah ô, ary iantrao aho.+
Jehovah ô, ampio aho.+
11 Novanao ho fandihizana ny fisaonako;Nesorinao ny akanjo gony nanaovako, dia nampitafianao fifaliana aho,
12 Mba hahafahako* hihira fiderana ho anao, fa tsy hangina fotsiny.
Jehovah Andriamanitro ô, hidera anao mandrakizay aho.
Fanamarihana
^ Na: “am-pasana.”
^ Na: “Mitendre mozika.”
^ Abt: “fahatsiarovana ny fahamasinany.”
^ Na: “Tsy hivembena.”
^ Abt: “nanafina ny tarehinao.”
^ Na: “azo amin’ny rako.”
^ Na: “am-pasana?”
^ Na: “hahafahan’ny voninahitro.”
