HIRA 18
Ankasitrahantsika ny Vidim-panavotana
-
1. Jehovah ô,
maniry hisaotra anao ’zahay,
Satria sorona lehibe
no nataonao ho anay.
’Lay Zanakao, foinao
ho anay olona ambany,
Ka tsy misy fitiavana
lehibe noho izany.
(FIVERENANA)
Maty izy mba ho fiainanay.
Ny rany no namonjy anay.
Amin’ny fo,
hisaotra anao ’zahay mandrakizay.
-
2. Tia anay koa Kristy
matoa nanao hoe: ‘Eny!’
Aina lavorary ny azy
kanefa nomeny.
Taloha ’zahay dia kivy
tsisy nantenaina,
’Zao kosa manantena
hoavy tsisy taraina.
(FIVERENANA)
Maty izy mba ho fiainanay.
Ny rany no namonjy anay.
Amin’ny fo,
hisaotra anao ’zahay mandrakizay.
(Jereo koa ny Heb. 9:13, 14; 1 Pet. 1:18, 19.)
