Masunde pa Kusunga Inkaama

• Vino Twacindika Inkaama Zinu

• Vino Ivyeo Vikaomviwa nu Kucingililwa

• Kucingilila Ivyeo ni Nkaama

• Ance

• Yauze Angamanyako Vino Tuvwana Namwe

• Kumimanyiisya Ndi Twasenulako Vimwi mu Masunde Yaa

• Vino Tukaomvya Active Scripting Nanti Javascript

Lolini na

• Masunde Amu Nsi Yonsi pa Kucingilila Ivyeo Yako ya Nte Yakwe Yeova

• Masunde Amu Nsi Yonsi pa Miomvezye ya Vyeo Ivikulanda pa Muntu

• Masunde Amu Nsi Yonsi pa Miomvezye ya ma Cookies ni Viombelo Ivikoliine

Twikako sana mano ku kucingilila inkaama zinu. Masunde yaa yakulangilila icingalenga ukuti ivyeo vikulanda pali mwemwe vino twakopolola nanti vino mwemwe mwatunena vingalondekwa ukuomviwa pa webusaiti itu. Kwaya ivyeo vimwi pali mwemwe vino tungasunga lino mwayula webusaiti itu, napya twamanya sana ukuti cacindama ukucingilila ivyeo vivyo, nupya ala namwe kwene tumaminena vino tukulonda ukuomvya ivyeo vivyo. Mweineco mungasoolola ukutunenako ivyeo vimwi pali mweineco. Mu masunde yaa, ndi twati “vyeo ivikulanda pa muntu” ala tukulanda pa vyeo wakwe izina, adelesi wako e-mail, adelesi wa ku positi, nambala yakwe foni, nanti ivyeo ivili vyonsi ivikumilondolola. Musikulondekwa ukulemba ivyeo pali mweineco ndi cakuti mukulonda sile ukulola vino twika pali webusaiti wii pa ncende ino antu yonsi yakalola. Izwi lino tukuomvya ilyakuti “webusaiti” likupiliula webusaiti kwene ii ino imuyulapo nanti webusaiti yuze ino twapanga, wakwe apps.pr2711.com, tv.pr2711.com, stream.pr2711.com, na wol.pr2711.com.

Aineco yakwe webusaiti yii aa Watchtower Bible and Tract Society of New York, Inc. (“Watchtower”), kuli kuti akaungwe akayela uku New York akasicita ivya uculuzi lelo akayelako ukutungilila imilimo yako ya Nte Yakwe Yeova nu mulimo wao uwa kusambilizya antu Baibo. Ndi mwaisoolwela mweineco ukuyula akaunti pa webusaiti yii, nanti ndi mukasi ukusangwilako impiya, ukuleenga ukuti twamusambilizya Baibo, nanti ukucita icili consi icikulondekwa ukuti mulembe ivyeo vimwi pali mweineco, ala mwazumila Masunde itu yaa, nu kuzumila ukuti tusunge ivyeo vivyo pa makompyuta yakalamba aaya uku United States of America, nu kuzumila ukuti tungatoola ivyeo vivyo, ukuviombelapo, ukuvikusizya kuze kuno vingalondekwa, alino nu kuzumila ukuti ya Watchtower nu tuungwe twao tuze utukatungilila Inte Zyakwe Yeova mu mpanga izipusane pusane yangavisungila kuze ukukulondekwa pakuti yamaliilile ukuombela pali vino mwemwe imuleenga. Iuvi lii lya mapepo likaomba mu mpanga izipusane pusane ukuomvya utuungwe utupusane pusane. Pa kucingilila masunde yaa ni vyeo, mu tuungwe tuto mungaya na ivilongano, maofesi ya musambo, nanti utuungwe tuuze twako ya Nte Yakwe Yeova.

Inzila ya kucingililamo ivyeo pali mwemwe ingapusana kulingana na vino mukucita pa webusaiti. Wakwe tuti, mukusangwilako impiya ku kaungwe umu mpanga imwi, ale izina linu ni vya kuomvya pa kulanzanya namwe tulavituma ku ofesi ilyayela kuko kwene ndi vino tulondolwile pa nsita ino mukulembesya. Nanti, tuti mukuleenga ukuti twamusambilizya Baibo, ale izina linu ni vyeo vya kuomvya pa kulanzyanya namwe tulavituma ku ofesi lya musambo ilyayela kuko kwene nu ku cilongano ca Nte Zyakwe Yeova pakuti yaombelepo pali vino imuleenga.

Pa kuti cimwangukile, ndi cakuti impanga ino mwikalamo yakwata masunde yamwi pa misungile nu kucingilila ivyeo, mungayula pi fwa ilikuti Aakulanzyanya Nayo pa Vya Kucingilila Ivyeo pakuti muzane ivingamwazwa ukulanzyanya na aku mpanga kwene iyo.

Twasumbako sana mano ku kucingilila ivyeo vinu ni nkama zinu. Tukaomvya iviombelo vya kusungilamo ivyeo ivya ndakai ku kucingilila ivyeo vinu pakuti antu aatakweti insambu yataavilola, nanti yauze yaviomvye, nanti yavisenule, nanti yavyonone, nanti limwi ukuleka ukuti viponge. Yonsi aakaombela pa vyeo vino mwemwe mwalemba pali mweineco, nanti sile yauze yano tunganenako pakuti yatwazwe ukuombela pali vino mukulonda, yasambiliziwa sana ukwikako sana mano ku kucingilila inkaama zinu. Vyeo vinu tukavisunga pa ciputulwa ca nsita iilinge sile kulingana na lino ivyeo vivyo vicili vikulondekwa pakuti ituombela pali vino mwemwe kwene mwalenzile nanti ndi cakuti cikulondekwa ukusunga ukulingana ni sunde lya uteeko nanti ndi avino ivyeo vifwile ukusungwa.

Lino tukusezya ivyeo vinu tukavicingilila nu kuvinyepelela sana ukuomvya cino yakati Transport Layer Security (TLS). Tukaomvya ya kompyuta aakwata mapulogilamu yano anono sile aayamanya, napya ya kompyuta yayo twayika mu vikuulwa ivicingililwe wakwe cimwi, pakuti ivyeo pali mwemwe vino mwalemba nu kututumila, kusi yauze angavilola. Twacingilila ivintu vii, napya twavifisa icakuti kusi yauze aatakweti insambu yano yangalola ivyeo pali mwemwe.

Ngi cakuti ku mpanga ino uliko lino ukuyula webusaiti yii, uteeko ukukupenda ukuti ucili umwance, ale ufwile ukulemba ivyeo pali wemwineco ala pali avyazi yako nanti yauze aakakusunga. Ndi mwemwe muvyazi nanti avyazi, nanti yauze aakasunga umwance, alino mwazumilizya nu kuti ivyeo pa mwana wiyo vitumwe kunotuli, ala mwazumila Masunde yaa yano twapanga pa yance.

Insita zimwi pali webusaiti wii mungalola ukuti pali kalinki kano mungatinapo ikamitwala kuli webusaiti wa yantu yauze yano twazumilizyanya nayo ukuti yatwazwa ukumiombelako vimwi (wakwe, ukulemba muli fomu wa pa Intaneti). Mulamanya ukuti lyene mwaya pali webusaiti wa yantu yauze pano imilolekele yapusana napya na adelesi wakwe webusaiti aakalolekela papela yakwe pulogalamu uno mukuyulila Intaneti alasenuka. Pa nsita ino tukusoolola yauze angaatwazwako, alino na pa nsita zyuze pacisila, tukaceeceta masunde yano antu yayo yene yakwata pa misungile nu kucingilila kwa vyeo pakuti itusininkizya ukuti masunde yayo yakuvwana na masunde yano swemo twatantika. Ndi cakuti mukweti mauzyo pa masunde yano antu yauze yapanga pa misungile ya vyeo, mukwai mungawelenga masunde yayo yano yika pali webusaiti wao kwene.

Lyonsi tukazifyako vimwi nu kwongezyapo utuntu tumwi utukaazwilizya mu miombele yakwe webusaiti witu, alino nu kuzifya nanti kwongezyapo imiombele itu pali vino tukaazwa antu. Fwandi pa mulandu na vyonsi vii ivikasenuka, alino nu kusenuka kwa masunde ya uteeko ni miombele ya makompyuta, na vino tukaombela pa vyeo vikasenuka. Ndi calondekwa ukuti tusenule Masunde pa Miomvezye, tuliika ivipya pakwene pano imuyula pakuti lyonsi mwamanya ivyeo vino tukakopolola na vino tukaviomvya.

Tukaomvya cino yakati scripting pa kuzifya imiombele yakwe webusaiti itu. Scripting iyo ikaazwilizya ukuti webusaiti yii yamuletela zuwa vino mukulonda pa webusaiti. Scripting isiomviwa pa webusaiti itu ku kumwazwa ukwika ya puloglamu yamwi pali kompyuta winu nanti ukukopolola ivyeo pali mwemwe vino mutazumilizye.

Active Scripting nanti JavaScrip ikalondeka ukuyulika pali pulogilamu ino mukuyulila Intaneti nga alino vimwi vingaaloleka ningo pa webusaiti yii. Mapulogalamu aingi akuyulila Intaneti yakazumila ukuti scripting iyulika nanti iyalika kulingana na webusaiti ino imuyula. Pa kumanya vino mungalenga scripting ukuyulika pali webusaiti ino imuyula, yulini ivyeo vya kwazwa vino yika pali pulogalamu ya kuyulila Intaneti ino mukuomvya.