I cani icingamwavwa ukuya ni nsansa pa ng’anda?
Uzye mungati . . .
-
u kutemwana?
-
impiya?
-
a cuze sile?
VINO BAIBO IKASAMBILIZYA AEVI
“Ansansa ayayo aakauvwa izwi lyakwe Leza nu kulilondela!”—Luka 11:28.
CILAYA ULI NDI MUKUSUNGA IZWI LYAKWE LEZA?
Mulaatemwana sana.—Efeso 5:28, 29.
Mulaacindikana sana.—Efeso 5:33.
Mulaya nu mutende wa cumi. —Mako 10:6-9.
UZYE I CUMICUMI TUNGAZUMILA VINO BAIBO IKASAMBILIZYA?
Ee, ivintu vili ivingalenga tuzumile aevi:
-
Leza ali Katandika wa lupwa. Baibo ikasambilizya ukuti Yeova Leza aliwe wapeela ‘indupwa zyonsi . . . amazina.’ (Efeso 3:14, 15) Umu mazwi yauze, tungati ulupwa lwayapo pano Yeova u walenzile ukuti luyeko. U mulandu ci uno cacindamila ukumanya icisinka cii?
Mutale mwelenganye pali cii: Ndi cakuti mwalya ivyakulya ivilyompe, vino iyeleka ningo sana, nupya mukulonda ukumanya vino yali yaomvya pa kweleka ivyakulya vivyo, a weni wino munguzya? Uzye asi a wiya kwene wino avyelike?
Pakuti naswe kwene tumanye ivyakucita pakuti twalu-kuya ni nsansa, tufwile ukuvwa kuli Yeova wino walenzile ukuti indupwa ziyeko.—Utandiko 2:18-24.
-
Leza akamusakamala cuze. I ca mano ukuti indupwa zyauvwa kuli vino Yeova akasambilizya ukupitila muli Baibo. U mulandu ci? “Pano wene akamusakamala.” (1 Petulo 5:6, 7) Yeova akalonda ukuti mwaya sana ni nsansa—na vino akatusambilizya vikatwazwa lyonsi!—Mapinda 3:5, 6; Ezaya 48:17, 18.
VWILINI MUNGATI ULI?
Uzye mungacita uli pakuti muye iya musuma, umuci musuma, nanti umuvyazi musuma?
Baibo ika-asuka icuzyo kwene cii pali EFESO 5:1, 2 na pali KOLOSE 3:18-21.
Limwi Mungatemwa Ukulolako na Vii
ZYUKINI!
Mano Angazwa aa mu Lupwa Ukuya ni Nsansa
I vyani vino ya iya, aci, avyazi na ana yangacita pakuti yaya ni nsansa umu lupwa?
MASUKO KU MAUZYO AMULI BAIBO
Uzye Baibo Ingangazwa Ukukwata Ulupwa Lwa Nsansa?
Ukupanda mano ukwampomvu ukwa muli Baibo kwazwa antu aingi cuze ukukwata insansa mu ndupwa.
ZYUKINI!
Ivingaavwa Indupwa Ukuya ni Nsansa—Kuombela Pamwi
Uzye mwemo naya winu mwaya wa yantu sile aakaikala mu ng’anda yonga?
ABOUT US
U Mulandu ci Uno Mulinzile Ukusambilila Baibo?
Baibo ika-azwa antu aingi sana umu nsi yonsi ukuzana masuko ku mauzyo acindame sana. Nga mwemo mutanga mutemwe?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
