Umu Julai 2022, yalanzile pali vino kwakavile umu nsi yonsi:

•   “Uu iuya umuku wakwe ciili umu mwezi kwene uu lino alasi ya mu China yakucelula antu ukuti umu imisumba umupipi na 70 kulakaya sana.”—Julai 25, 2022, CNN Wire Service.

•   “Pa mulandu wakuti uku Europe kwakavile sana ukucila vino kukakaya lyonsi impanga yatandike ukupya umu mpanga izingi.”—Julai 17, 2022, The Guardian.

•   “Pa Mulungu imisumba iingi umu United States yakavile sana pa mulandu ni cikaye icafumililanga uku Ufumondaka, uku Kaeya ni ncende zyuze zyayela uku Uwondaka.”—Julai 24, 2022, The New York Times

 Uzye vii vyonsi vikupiliula cani? Uzye cii cikupiliula ukuti antu yatalatwalilila ukwikala umu nsi? Uzye Baibo yalandapo uli?

 Ee. Vino insi ikukaya sana cikulangilila ivintu vino Baibo yasoowile ukuti i vilacitika umu manda itu. Wakwe, Yesu wasoowile ukuti tulalola “vintu vya kutiinya.” (Luka 21:11) Pa mulandu na vino insi ikukaya sana antu aingi yakutiina ukuti vino antu yakucita, vilalenga antu yatatwalilila ukwikala umu nsi.

 Awe. Leza wapanzile insi pakuti antu yaikalamo amanda pe. (Masa. 115:16; Kasa. 1:4) Atalaleka antu ukonona insi, lelo alonona “aakaonona insi,” wakwe vino walaya. —Kusokolola 11:18.

 Lolini mausesemo yaili aakalanda pali vino Leza akalonda ukucita pano nsi:

•   “Ulwanga lulazanga, na maluwa yalawalula umu mpanga ilangoke.” (Ezaya 35:1) Leza atalaleka insi ukononwa icakuti itange iikalwemo, lelo alazifya vyonsi ivyononeka pano nsi.

•   “Pano nsi, awewe ukasunga impanga nu kuiletela imvula. Ukalenga ukuti iye ikankala nupya iya muvundo.” (Masamu 65:9) Leza alapaala insi nu kuilenga iye paladaise.

 Pakuti musambilile na vyuze pali vino ukusenuka kwa miceele kukafikilizya mausesemo ya muli Baibo, belengini icipande cakuti “I Vyani Vino Baibo Ikalanda pa Kusenuka Kwa Miceele na pa Vilacitika Uku Nkoleelo?”

 Pakuti musambilile na vyuze pa ulayo wa muli Baibo uwakuti Leza alazifya ivintu, lolini icipande cakuti “A Weni Alapususya Insi?”