Kõmij kam̦m̦oolol eok kõn am̦ kar kõjerbale iien ko am̦ ñan riit bok in bwe en l̦apl̦o̦k am̦ jel̦ã kõn Ri Kõnnaan ro an Jeova, jerbal ko amim im doulul in am. Kõmij kõjatdikdik bwe bok in ear jipañ eok bwe kwõn make kile bwe kõmij armej ro me rej kõm̦anm̦an ankilaan Jeova rainin. Jouj im jab bõjrak jãn am̦ katak kõn Anij. Jouj im kwal̦o̦k ñan baam̦le eo am̦ im ro m̦õttam̦ kõn men ko kwõj katak jãn Baibõl̦. Im jouj im kobatok ippem ilo aolep iien kweilo̦k ko am.​—Hibru 10:23-25, UBS.

Ilo am̦ naaj wõnm̦aanl̦o̦k wõt im katak kõn Jeova, enaaj l̦apl̦o̦k am̦ kile bwe Jeova ej lukkuun yokwe eok. Men in enaaj kõm̦m̦an bwe kwõn bar kõn̦aan kalikkar ñan Jeova bwe kwõj bar yokwe e. (1 Jon 4:8-10, 19) Ak ewi wãween kwõmaroñ kalikkar bwe kwõj yokwe Jeova ilo wãween am̦ mour? Ñe kwõj pokake kien ko an Anij, ewi wãween men in enaaj jipañ eok im kõm̦m̦an bwe kwõn m̦õn̦õn̦õ? Im ta eo enaaj jipañ eok bwe kwõn kõn̦aan kobatok ippem im kõm̦anm̦an ankilaan Anij? Eokwe, eo me ej katak Baibõl̦ ippam̦ enaaj m̦õn̦õn̦õ in jipañ eok uwaake kajjitõk kein bwe kwe im baam̦le eo am̦ kom̦win “pãd wõt ilo yokwe eo an Anij, ilo ami kõttar, . . . mour indeeo.”​—Jud 21, UBS.

Jouj im wõnm̦aanl̦o̦k wõt im katak Baibõl̦ kõn bok in, “Pãd Wõt ilo Yokwe eo an Anij”, me emaroñ jipañ eok ñan wõnm̦aanl̦o̦k ilo m̦ool eo.