Еш пиаллан мо эн кӱлешан?
Тендан шонымаш дене...
-
йӧратымаш?
-
окса?
-
иктаж-мо весе?
МОМ БИБЛИЙ ОЙЛА
«Юмын шомакым колыштшо да шуктен шогышо-влак поро пиалан улыт!» (Лукан 11:28, У Сугынь, 2007).
МОМ ТИДЕ ТЫЛАНДА ПУЭН КЕРТЕШ
Чын йӧратымашым (Ефесян-влаклан 5:28, 29).
Чын пагалымашым (Ефесян-влаклан 5:33).
Пеҥгыде ешым (Маркын 10:6—9).
БИБЛИЙЫН ОЙЛЫМЫЖЛАН ӰШАНАШ ЛИЕШ МО?
Лиеш, да тидлан эн шагалже кок амал уло:
-
Еш — тиде Юмын ыштымыже. Библийыште пӧръеҥ ден ӱдырамашым Юмо ушен манын возымо (Тӱҥалтыш 2:18—24). Вес семынже, еш илыш Юмын шонымыжлан кӧра лийын. Мом тиде ончыкта?
Шоналтыза: тыланда иктаж-могай кочкыш келшен гын, рецептшым кӧ деч йодыда? Мутат уке, кочкышым ямдылыше айдеме деч.
Лач тыгак еш пиалын рецептшым Иегова Юмо деч пален налаш кӱлеш. Вет тудо ешым Ыштыше улеш.
-
Юмо тендан верч тырша. Еш-влаклан Юмын Мутшо гыч каҥашым молан кычалаш кӱлеш? Библийыште тыге возымо: «Тудо тендан верч тырша» (1 Петрын 5:6, 7). Иегова мыланна эн сайжым тылана, тудын каҥашыже пайдам конда! (Притчи 3:5, 6; Исаия 48:17, 18).
ШОНАЛТЫЗА
Сай марий, вате да ача-ава лияшлан мом ыштыман?
Библий тиде йодышлан вашмутым пуа. Ончыза: ЕФЕСЯН-ВЛАКЛАН 5:1, 2 да КОЛОССЯН-ВЛАКЛАН 3:18—21.
Тыгак тыланда оҥай лийын кертеш
МЕМНАН НЕРГЕН
Молан Библийым шымлаш кӱлеш?
Библий уло тӱня мучко илыше миллионло еҥлан илыш дене кылдалтше кугу йодыш-влаклан вашмутым кычал муаш полша. Тудо тыландат полшыжо манын, кумылда уло мо?
