5 УРОК
Мланде дене мо лиеш?
1. Юмо мландым могай цель дене ыштен?
Иегова мландым еҥ-влаклан ыштен. Мланде — тиде мемнан пӧртна. Икымше еҥ-влак, Адам ден Ева, кавасе илышлан ыштыме лийын огытыл. Тушто илаш Юмо суксо-влакым ыштен (Иов 38:4, 7). Икымше еҥ-влакым Юмо Эдем садыш, райыш, илаш пуртен (Тӱҥалтыш 2:15—17). Нуно да нунын тукымышт мландыште курымеш илышт да нигунамат ынышт коло манын, Иегован кумылжо лийын. (Псалом 36:29; 113:24 лудын лекса.)
Эн ончыч рай Эдем садыште гына лийын. Жап эртымеке, Адам ден Ева шке тукымышт дене мландым темышаш улыт ыле. Нуно уло мландым райыш савырышаш ыльыч (Тӱҥалтыш 1:28). Мланде нигунамат пытарыме огеш лий. Тудо эре илыме верна лиеш. (Псалом 103:5 лудын лекса.)
«Молан Юмо мландым ыштен?» видеороликым ончалза.
2. Таче мландыште рай молан уке?
Адам ден Ева Юмо ваштареш каеныт, сандене тудо нуным Эдем сад гыч поктен луктын. Рай йомдарыме лийын. Историйым ончалаш гын, ик еҥат тудым угыч ыштен кертын огыл. Тунамсекак мландыште осал еҥ-влак озаланат. (Тӱҥалтыш 3:23, 24 лудын лекса.)
Иегова шке шонымашыж деч кораҥын мо? Уке! Юмо нимучашдыме виян. Шке шонен пыштымашыжым шукташ тудлан нигӧ чаракым шынден огеш керт (Исаия 45:18). Иегова еҥ-влаклан ондак пуымым пӧртылта да мландыште угыч рай лиеш. (Псалом 36:11, 34 лудын лекса.)
3. Рай кузе угыч ыштыме лиеш?
Иисусын вуйлатымыж годым мландыште Рай угыч ыштыме лиеш. Эн ончыч Иисус ден Юмын суксыж-влак Юмылан ваштареш шогышо-влакым Армагеддон сарыште пытарат. Вара Иисус Сатанам 1 000 ийлан пундашдыме келгытышке кудалта. Юмын служитлышыже-влак азапыште пытарыме огыт лий, вет Иисус нунылан мом ышташ каласа да нуным арален кода. Нуно рай мландыште курымеш илаш тӱҥалыт. (Почмаш 20:1—3; 21:3, 4 лудын лекса.)
4. Орланымаш кунам пыта?
Юмо мландым осал деч кунам эрыкташ тӱҥалеш? Тидым пален налашлан Иисус «палдарыше палым» пуэн. Уло тӱняште лиедыше событий-влак ончыктат: кызытсе семын илыш умбакыжат лиеш гын, чыла айдеме тукым пытыме лийын кертеш. Тиде событий-влак «кызытсе курымын пытыме» жапыштыже илымынам ончыктат. (Матфейын 24:3, 7—14, 21, 22 лудын лекса.)
Иисус, Тӱжем ий вуйлатыме жапыштыже, мландыште уло орланымашлан мучашым пышта (Исаия 9:6, 7; 11:9). Тудо Кугыжа гына огыл, Первосвященник семынат лиеш да Юмым йӧратыше-влакым язык деч утара. Тыге Юмо Иисус гоч чер-влакым, шоҥгеммашым да колымашым пытара. (Исаия 33:24 *; 1 Коринфян-влаклан 15:26 лудын лекса.)
5. Ончыкылык Райыште кӧ илаш тӱҥалеш?
Вашлиймаш залыште те тыгай еҥ-влакым вашлийыда, кӧ Юмым йӧрата да кӧн тудын законжылан тунемаш кумылжо уло
Юмым колыштшо-влак веле Райыште илаш тӱҥалыт (1 Иоаннын 2:17). Иисус шке тунемшыж-влаклан ӱҥышӧ еҥ-влакым кычалаш кӱштен. Нуно тыгай еҥ-влаклан Юмылан йӧрышӧ лияш полшышаш улыт. Таче Иегова миллионло еҥым ончыкылык мланде Райыште илаш ямдыла (Софония 2:3). Иегован Таныкше-влакын Вашлиймаш залыштышт еҥ-влак сай марий ден ача, сай вате ден ава лияш тунемыт. Ача-ава ден йоча-влак Юмылан пырля кумалыт да кузе Библий уже кызытак илышым саемдаш полша манын, шинчымашым налыт. (Почмаш 15:4 лудын лекса.)
^ абз. 7 Исаия 33:24: «Илыше кокла гыч иктат ок каласе: „Мый черле улам“. Ту мландыште илыше калыкын титакше кудалтыме лиеш».
