കുഞ്ഞിന്റെ ജനനം ദമ്പതി​കൾക്ക്‌ ആവേശ​ത്തി​ന്റെ​യും ആഹ്ലാദ​ത്തി​ന്റെ​യും നിമി​ഷ​ങ്ങ​ളാണ്‌! അച്ഛനമ്മ​മാ​രാ​കു​ന്ന​തോ​ടെ, നിങ്ങളു​ടെ എത്രമാ​ത്രം സമയവും ശ്രദ്ധയും ആണ്‌ കുഞ്ഞിന്റെ പരിച​ര​ണ​ത്തി​നാ​യി വേണ്ടി​വ​രു​ന്നത്‌! നിങ്ങൾക്കു മതിയായ ഉറക്കം കിട്ടി​യെ​ന്നു​വ​രില്ല. ഒപ്പം വൈകാ​രി​ക​മാ​റ്റ​ങ്ങ​ളും കൂടി​യാ​കു​മ്പോൾ ദാമ്പത്യം സമ്മർദ​പൂ​രി​ത​മാ​കാൻ വേറെ കാരണങ്ങൾ വേണ്ട. കുഞ്ഞിന്റെ പരിപാ​ല​ന​ത്തി​നും ഒപ്പം ദാമ്പത്യം പരിര​ക്ഷി​ക്കു​ന്ന​തി​നും വേണ്ടി നിങ്ങളി​രു​വ​രും പല വിട്ടു​വീ​ഴ്‌ച​ക​ളും ചെയ്യേ​ണ്ടി​വ​രും. മാറിയ ഈ സാഹച​ര്യ​വു​മാ​യി ഒത്തു​പോ​കു​ന്ന​തിന്‌ ബൈബി​ളു​പ​ദേ​ശ​ങ്ങൾക്ക്‌ നിങ്ങളെ സഹായി​ക്കാൻ കഴിയും. എങ്ങനെ?

ബൈബിൾ പറയു​ന്നത്‌: “സ്‌നേഹം ദീർഘ​ക്ഷ​മ​യും ദയയു​മു​ള്ളത്‌.” കൂടാതെ, അത്‌ “തൻകാ​ര്യം അന്വേ​ഷി​ക്കു​ന്നില്ല; പ്രകോ​പി​ത​മാ​കു​ന്നില്ല.” (1 കൊരി​ന്ത്യർ 13:4, 5) അമ്മയാ​കു​ന്ന​തോ​ടെ നിങ്ങളു​ടെ ലോകം കുഞ്ഞിനെ ചുറ്റി​പ്പ​റ്റി​യാ​കും; അതു മനസ്സി​ലാ​ക്കാ​വു​ന്നതേ ഉള്ളൂ. അതേസ​മയം, ഭർത്താ​വി​നാ​കട്ടെ, ആ ‘ലോക​ത്തിൽ’ ഇടമി​ല്ലാ​ത്ത​താ​യി തോന്നി​ത്തു​ട​ങ്ങി​യേ​ക്കാം. അതു​കൊണ്ട്‌ അദ്ദേഹ​ത്തി​നും നിങ്ങളു​ടെ ശ്രദ്ധയും പരിച​ര​ണ​വും കൊടു​ക്കാൻ മറക്കാ​തി​രി​ക്കുക! കുഞ്ഞിനെ പരിച​രി​ക്കു​ന്ന​തിൽ അദ്ദേഹ​ത്തെ​യും ഉൾപ്പെ​ടു​ത്തുക, ക്ഷമയോ​ടെ​യും ദയയോ​ടെ​യും വേണം അതു ചെയ്യാൻ. അങ്ങനെ നിങ്ങളു​ടെ ‘ലോക​ത്തി​ലേക്ക്‌’ അദ്ദേഹ​ത്തെ​യും ചേർക്കുക!

“ഭർത്താ​ക്ക​ന്മാ​രേ, . . . വിവേ​ക​പൂർവം അവരോ​ടൊ​പ്പം (ഭാര്യ​മാ​രോ​ടൊ​പ്പം) വസിക്കു​വിൻ.” (1 പത്രോസ്‌ 3:7) ഭാര്യ​യു​ടെ ഓജസ്സി​ന്റെ​യും ഊർജ​ത്തി​ന്റെ​യും ഏറിയ​പ​ങ്കും കുഞ്ഞിന്റെ കാര്യ​ങ്ങൾക്കാ​യി ചെലവ​ഴി​ക്കേ​ണ്ടി​വ​രു​മെന്നു മനസ്സി​ലാ​ക്കുക! തന്റെ പുതിയ ഉത്തരവാ​ദി​ത്ത​ങ്ങൾനി​മി​ത്തം അവൾക്കു ടെൻഷ​നും ക്ഷീണവും അനുഭ​വ​പ്പെ​ട്ടേ​ക്കാം. ചില​പ്പോൾ വിഷാ​ദം​പോ​ലും ഉണ്ടാ​യെ​ന്നു​വ​രും. ഒരുവേള അവൾ നിങ്ങ​ളോട്‌ മുഷി​ഞ്ഞെ​ന്നും വരാം. പക്ഷേ, അപ്പോ​ഴും ശാന്തത പാലി​ക്കുക. കാരണം “ക്ഷമാശീ​ലൻ കരുത്ത​നെ​ക്കാ​ളും, മനസ്സിനെ നിയ​ന്ത്രി​ക്കു​ന്നവൻ നഗരം പിടി​ച്ചെ​ടു​ക്കു​ന്ന​വ​നെ​ക്കാ​ളും ശ്രേഷ്‌ഠ​നാണ്‌.” (സദൃശ​വാ​ക്യ​ങ്ങൾ 16:32, പി.ഒ.സി.) ക്ഷമയോ​ടെ​യും വിവേ​ക​ത്തോ​ടെ​യും ഇടപെ​ടുക, അവൾക്ക്‌ ആവശ്യ​മായ പിന്തുണ നൽകുക.—സദൃശ​വാ​ക്യ​ങ്ങൾ 14:29.

ഇങ്ങനെ ചെയ്‌തു​നോ​ക്കൂ:

• അച്ഛൻ: കുഞ്ഞിനെ പരിച​രി​ക്കു​ന്ന​തിൽ ഭാര്യയെ സഹായി​ക്കുക, രാത്രി​കാ​ല​ങ്ങ​ളിൽ വിശേ​ഷി​ച്ചും. മറ്റു കാര്യാ​ദി​ക​ളിൽ ഏർപ്പെ​ടുന്ന സമയം കുറയ്‌ക്കുക. അപ്പോൾ ഭാര്യ​യോ​ടും കുഞ്ഞി​നോ​ടും ഒപ്പമാ​യി​രി​ക്കാൻ നിങ്ങൾക്കു കൂടുതൽ സമയം കിട്ടും

• അമ്മ: കുഞ്ഞിനെ നോക്കാൻ സഹായി​ക്കാ​മെന്നു ഭർത്താവു പറയു​മ്പോൾ, ആ സഹായം സ്വീക​രി​ക്കുക. അദ്ദേഹം ചെയ്യു​ന്നത്‌ അത്ര ശരിയാ​കു​ന്നി​ല്ലെ​ങ്കിൽ കുറ്റ​പ്പെ​ടു​ത്താ​തെ, ചെയ്യേ​ണ്ടത്‌ എങ്ങനെ​യെന്നു ദയാപൂർവം കാണി​ച്ചു​കൊ​ടു​ക്കുക

ബൈബിൾ പറയു​ന്നത്‌: “അവർ ഏകദേ​ഹ​മാ​യി തീരും.” (ഉല്‌പത്തി 2:24) നിങ്ങളു​ടെ കുടും​ബ​ത്തിൽ ഒരു പുതിയ അംഗം​കൂ​ടി വന്നെങ്കി​ലും നിങ്ങളി​രു​വ​രും ഇപ്പോ​ഴും “ഏകദേഹ”മാണെന്ന്‌ ഓർക്കുക. നിങ്ങളു​ടെ ബന്ധം സുദൃ​ഢ​മാ​ക്കി​നി​റു​ത്താൻ സാധ്യ​മായ എല്ലാ ശ്രമവും ചെയ്യുക.

ഭർത്താവ്‌ നിങ്ങൾക്കു ചെയ്‌തു​ത​രുന്ന സഹായ​ത്തി​നും പിന്തു​ണ​യ്‌ക്കും നന്ദിയു​ള്ള​വ​ളാ​യി​രി​ക്കുക. വിലമ​തി​പ്പോ​ടെ​യുള്ള നിങ്ങളു​ടെ വാക്കുകൾ കേൾക്കു​ന്നത്‌ അദ്ദേഹ​ത്തിന്‌ എത്ര ‘സുഖ​പ്ര​ദ​മാ​യി​രി​ക്കു​മെ​ന്നോ!’ (സദൃശ​വാ​ക്യ​ങ്ങൾ 12:18) പ്രിയ​ത​മയെ നിങ്ങൾ എത്ര സ്‌നേ​ഹി​ക്കു​ന്നെ​ന്നും നിങ്ങൾക്ക്‌ അവൾ എത്ര പ്രിയ​ങ്ക​രി​യാ​ണെ​ന്നും അവളോ​ടു പറയുക! കുടും​ബ​ത്തി​നു​വേ​ണ്ടി​യുള്ള അവളുടെ അധ്വാ​ന​ത്തിന്‌ അവളെ പ്രശം​സി​ക്കുക.—സദൃശ​വാ​ക്യ​ങ്ങൾ 31:10, 28.

“ഓരോ​രു​ത്ത​നും സ്വന്തം നന്മയല്ല, മറ്റുള്ള​വ​രു​ടെ നന്മയാണ്‌ അന്വേ​ഷി​ക്കേ​ണ്ടത്‌.” (1 കൊരി​ന്ത്യർ 10:24) നിങ്ങളു​ടെ ഇണയ്‌ക്കു​വേണ്ടി ചെയ്യാൻ കഴിയു​ന്ന​തെ​ല്ലാം ചെയ്യുക; അതും മനസ്സോ​ടെ, നന്നായി ചെയ്യുക! നിങ്ങൾ രണ്ടു​പേ​രും മാത്ര​മാ​യി ഇരുന്നു സംസാ​രി​ക്കാൻ സമയ​മെ​ടു​ക്കുക, ശ്രദ്ധി​ച്ചു​കേൾക്കുക, അഭിന​ന്ദി​ക്കുക. ലൈം​ഗി​ക​ബ​ന്ധ​ത്തി​ന്റെ കാര്യ​ത്തിൽ സ്വാർഥത കാണി​ക്ക​രുത്‌. ഇക്കാര്യ​ത്തിൽ ഇണയുടെ ആവശ്യ​ങ്ങൾക്കു പരിഗണന കൊടു​ക്കുക. “പരസ്‌പ​ര​സ​മ്മ​ത​ത്തോ​ടെ നിശ്ചി​ത​സ​മ​യ​ത്തേ​ക്ക​ല്ലാ​തെ തമ്മിൽ അകന്നി​രി​ക്ക​രുത്‌” എന്നു ബൈബിൾ പറയുന്നു. (1 കൊരി​ന്ത്യർ 7:3-5) അതു​കൊണ്ട്‌ ഈ വിഷയം നിങ്ങൾ തമ്മിൽ തുറന്നു സംസാ​രി​ക്കുക. അങ്ങനെ രണ്ടു​പേ​രും കാര്യം മനസ്സി​ലാ​ക്കു​ക​യും ക്ഷമ കാണി​ക്കു​ക​യും ചെയ്യു​മ്പോൾ നിങ്ങളു​ടെ ബന്ധം സുദൃ​ഢ​മാ​കും.

ഇങ്ങനെ ചെയ്‌തു​നോ​ക്കൂ:

• നിങ്ങൾക്കു രണ്ടു​പേർക്കും മാത്ര​മാ​യി കുറച്ചു സമയം നീക്കി​വെ​ക്കു​ക

• ഒരു കൊച്ചു​സ​മ്മാ​നം കൊടു​ക്കുക, ഒരു മെസേജ്‌ അയയ്‌ക്കുക തുടങ്ങിയ കൊച്ചു​കൊ​ച്ചു കാര്യ​ങ്ങ​ളി​ലൂ​ടെ ഇണയോ​ടുള്ള സ്‌നേഹം അറിയി​ക്കു​ക

ബൈബിൾ പറയു​ന്നത്‌: “രക്ഷ പ്രാപി​ക്കു​ന്ന​തി​നു നിന്നെ ജ്ഞാനി​യാ​ക്കാൻ പര്യാ​പ്‌ത​മായ തിരു​വെ​ഴു​ത്തു​കൾ ശൈശ​വം​മു​തൽതന്നെ നീ അറിഞ്ഞി​ട്ടു​ണ്ട​ല്ലോ.” (2 തിമൊ​ഥെ​യൊസ്‌ 3:15) നിങ്ങളു​ടെ കുഞ്ഞിനെ പഠിപ്പി​ക്കു​ന്ന​തിന്‌ എന്തൊക്കെ ചെയ്യാ​മെന്ന്‌ ആലോ​ചി​ക്കുക. അപാര​മായ പഠന​ശേ​ഷി​യു​ള്ള​വ​രാണ്‌ കുഞ്ഞുങ്ങൾ. ജനിക്കു​ന്ന​തി​നു മുമ്പു​പോ​ലും കുഞ്ഞു​ങ്ങൾക്ക്‌ ആ കഴിവുണ്ട്‌. ഗർഭത്തി​ലാ​യി​രി​ക്കെ നിങ്ങളു​ടെ ശബ്ദം തിരി​ച്ച​റി​യാ​നും ഭാവവ്യ​ത്യാ​സ​ങ്ങ​ളോ​ടു പ്രതി​ക​രി​ക്കാ​നും കുഞ്ഞിനു കഴിയും. തീരെ ചെറിയ പ്രായ​ത്തിൽത്തന്നെ കുഞ്ഞു​ങ്ങൾക്കു വായി​ച്ചു​കൊ​ടു​ക്കുക. നിങ്ങൾ വായി​ച്ചു​കൊ​ടു​ക്കു​ന്നത്‌ എന്താ​ണെന്ന്‌ മനസ്സി​ലാ​കു​ന്നി​ല്ലെ​ങ്കിൽക്കൂ​ടി മുതിർന്നു​വ​രു​മ്പോൾ വായന ഇഷ്ടപ്പെ​ടാൻ അത്‌ അവരെ സഹായി​ക്കും.

തീരെ കുഞ്ഞാ​ണ​ല്ലോ എന്നു കരുതി കുഞ്ഞി​നോ​ടു ദൈവ​ത്തെ​ക്കു​റി​ച്ചു പറയാ​തി​രി​ക്ക​രുത്‌. നിങ്ങൾ യഹോ​വ​യോ​ടു പ്രാർഥി​ക്കു​ന്നത്‌ അവൻ കേൾക്കട്ടെ! (ആവർത്ത​ന​പു​സ്‌തകം 11:19) കുഞ്ഞി​നോ​ടൊ​പ്പം കളിക്കു​മ്പോൾ ദൈവം സൃഷ്ടിച്ച കാര്യ​ങ്ങ​ളെ​ക്കു​റി​ച്ചു സംസാ​രി​ക്കുക. (സങ്കീർത്തനം 78:3, 4) നിങ്ങൾക്ക്‌ യഹോ​വ​യോ​ടുള്ള സ്‌നേഹം കണ്ടുവ​ള​രുന്ന അവനും യഹോ​വയെ സ്‌നേ​ഹി​ക്കാൻ പഠിക്കും.

ഇങ്ങനെ ചെയ്‌തു​നോ​ക്കൂ:

• കുഞ്ഞിനെ പരിശീ​ലി​പ്പി​ച്ചു​കൊ​ണ്ടു​വ​രാ​നുള്ള ജ്ഞാനത്തി​നു​വേണ്ടി പ്രത്യേ​കം പ്രാർഥി​ക്കു​ക

• പഠിപ്പിക്കാൻ ഉദ്ദേശി​ക്കുന്ന ആശയങ്ങ​ളി​ലെ വാക്കോ വാക്കു​ക​ളോ കുഞ്ഞിന്‌ ആവർത്തി​ച്ചു പറഞ്ഞു​കൊ​ടു​ക്കുക. വളരെ നേര​ത്തേ​തന്നെ കാര്യങ്ങൾ പഠിച്ചു​തു​ട​ങ്ങാൻ അങ്ങനെ അവനു കഴിയും.