‘ഞാൻ’ എന്ന ഭാവം മുൻവി​ധിക്ക്‌ വളം​വെ​ക്കു​ന്നു. ഇത്തരം മനോ​ഭാ​വ​മു​ള്ളവർ തങ്ങളെ കൂടുതൽ പ്രാധാ​ന്യ​മു​ള്ള​വ​രാ​യി നിറു​ത്തു​ക​യും, ബാക്കി​യു​ള്ള​വരെ വിലകു​റച്ച്‌ കാണു​ക​യും ചെയ്യുന്നു. ഈ മനോ​ഭാ​വം ആർക്കു​വേ​ണ​മെ​ങ്കി​ലും വന്നേക്കാം. ഒരു വിജ്ഞാ​ന​കോ​ശം പറയു​ന്നത്‌: “ഭൂരി​ഭാ​ഗം സംസ്‌കാ​ര​ത്തി​ലുള്ള വിഭാ​ഗ​ങ്ങ​ളും അവരുടെ ജീവി​ത​ശൈലി, ഭക്ഷണരീ​തി, വസ്‌ത്ര​ധാ​ര​ണ​രീ​തി, ശീലങ്ങൾ, വിശ്വാ​സങ്ങൾ, മൂല്യങ്ങൾ എന്നിവ​യൊ​ക്കെ മറ്റു വിഭാ​ഗ​ങ്ങ​ളെ​ക്കാൾ ഉയർന്ന​താ​ണെന്ന ചിന്ത വെച്ചു​പു​ലർത്തു​ന്നു.” എന്നാൽ നമുക്ക്‌ എങ്ങനെ​യാണ്‌ ഈ വികല​മായ വീക്ഷണം മാറ്റാൻ കഴിയുക?

“താഴ്‌മ​യോ​ടെ മറ്റുള്ള​വരെ നിങ്ങ​ളെ​ക്കാൾ ശ്രേഷ്‌ഠ​രാ​യി കാണുക.”—ഫിലി​പ്പി​യർ 2:3.

വാക്യം പഠിപ്പി​ക്കു​ന്നത്‌: നമ്മളെ​ക്കു​റി​ച്ചു​തന്നെ അമിത​മാ​യി ചിന്തി​ക്കാ​തി​രി​ക്ക​ണ​മെ​ങ്കിൽ നമുക്കു താഴ്‌മ എന്ന ഗുണം വേണം. താഴ്‌മ​യു​ണ്ടെ​ങ്കിൽ മറ്റുള്ളവർ ഒരു വിധത്തിൽ അല്ലെങ്കിൽ മറ്റൊരു വിധത്തിൽ നമ്മളെ​ക്കാൾ വലിയ​വ​രാ​ണെന്നു നമ്മൾ ചിന്തി​ക്കും. എല്ലാ ഗുണങ്ങ​ളും കഴിവു​ക​ളും ഉള്ള ഒരു കൂട്ടരും ഇല്ല.

സ്റ്റെഫാന്റെ ഉദാഹ​രണം നോക്കാം. അദ്ദേഹം ഒരു കമ്മ്യൂ​ണിസ്റ്റ്‌ രാജ്യ​ത്താണ്‌ വളർന്നു​വ​ന്നത്‌. കമ്മ്യൂ​ണിസ്റ്റ്‌ രാജ്യ​ങ്ങ​ളിൽനി​ന്ന​ല്ലാത്ത ആളുക​ളോട്‌ അദ്ദേഹ​ത്തിന്‌ ഒരു മുൻവിധിയുണ്ടാ യിരുന്നു. എന്നാൽ സ്റ്റെഫാൻ അതു മറിക​ടന്നു. അദ്ദേഹം പറയു​ന്നത്‌ ഇതാണ്‌: “മറ്റുള്ള​വരെ നമ്മളെ​ക്കാൾ ഉയർന്ന​വ​രാ​യി കാണു​ന്നതു മുൻവി​ധി​ക്കെ​തി​രെ പോരാ​ടു​ന്ന​തി​നുള്ള നല്ലൊരു ആയുധ​മാണ്‌. എല്ലാം കാര്യ​ങ്ങ​ളും എനിക്ക്‌ അറിയില്ല, എല്ലാവ​രിൽനി​ന്നും എനിക്ക്‌ എന്തെങ്കി​ലു​മൊ​ക്കെ പഠിക്കാ​നുണ്ട്‌.”

യാഥാർഥ്യ​ബോ​ധം ഉള്ളവരാ​യി​രി​ക്കുക. തെറ്റു പറ്റിയാൽ അത്‌ അംഗീ​ക​രി​ക്കാൻ ശ്രമി​ക്കുക. നിങ്ങൾക്കി​ല്ലാത്ത കഴിവു​കൾ മറ്റുള്ള​വർക്കു​ണ്ടെന്ന കാര്യം മനസ്സി​ലാ​ക്കുക. ഒരു കൂട്ടത്തി​ലുള്ള എല്ലാവർക്കും ഒരേ കുഴപ്പ​മു​ണ്ടാ​കു​മെന്ന്‌ വിചാ​രി​ക്ക​രുത്‌.

ഒരു കൂട്ടത്തി​ലുള്ള ഒരാ​ളെ​ക്കു​റിച്ച്‌ തെറ്റായ ചില കണക്കു​കൂ​ട്ട​ലു​കൾ നടത്തു​ന്ന​തി​നു മുമ്പ്‌ ചില കാര്യങ്ങൾ സ്വയം ചോദി​ക്കുക:

• ആ വ്യക്തി​യിൽ എനിക്ക്‌ ഇഷ്ടമി​ല്ലാത്ത ഒരു ഗുണം ശരിക്കും ഒരു മോശം ഗുണം​ത​ന്നെ​യാ​ണോ?

• ആ വ്യക്തിക്ക്‌ എന്നിലും കുറവു​കൾ കാണാൻ കഴിയി​ല്ലേ?

• ആ വ്യക്തിക്ക്‌ എന്നെക്കാൾ കഴിവുള്ള ഏതെല്ലാം മേഖലകൾ ഉണ്ട്‌?

ഈ ചോദ്യ​ങ്ങൾക്കെ​ല്ലാം സത്യസ​ന്ധ​മാ​യി ഉത്തരം പറയു​ക​യാ​ണെ​ങ്കിൽ നിങ്ങൾക്കു നിങ്ങളു​ടെ മുൻവി​ധി​യെ മറിക​ട​ക്കാം. മാത്രമല്ല ആ വ്യക്തി​യിൽ വിലമ​തി​ക്കാ​നാ​കുന്ന ഗുണങ്ങൾ കണ്ടെത്താ​നും കഴിയും.