സത്യ​ദൈ​വ​മായ യഹോവ തന്റെ വചനമായ ബൈബി​ളി​ലൂ​ടെ നമ്മോട്‌ ഇങ്ങനെ പറയുന്നു: “ഞാൻ യഹോവ അതുതന്നേ എന്റെ നാമം.” (യെശയ്യാ​വു 42:8) “സ്രഷ്ടാവ്‌,” “അത്യു​ന്നതൻ,” “പരമാ​ധി​കാ​രി​യാം കർത്താവ്‌” എന്നിങ്ങനെ ധാരാളം സ്ഥാന​പ്പേ​രു​കൾ അവന്‌ ഉണ്ടെങ്കി​ലും പേരി​നാൽ തന്നെ സംബോ​ധന ചെയ്യാൻ തന്റെ വിശ്വ​സ്‌ത​ദാ​സരെ അവൻ അനുവ​ദി​ച്ചി​ട്ടുണ്ട്‌.

യെരു​ശ​ലേ​മി​ലെ ആലയത്തി​ന്റെ സമർപ്പ​ണ​വേ​ള​യിൽ ശലോ​മോൻ രാജാവ്‌ “യിസ്രാ​യേ​ലി​ന്റെ ദൈവ​മായ യഹോവേ” എന്ന സംബോ​ധ​ന​യോ​ടെ​യാണ്‌ തന്റെ പ്രാർഥന തുടങ്ങി​യത്‌. (1 രാജാ​ക്ക​ന്മാർ 8:22, 23) ഒരിക്കൽ പ്രവാ​ച​ക​നായ ഏലിയാവ്‌ “യഹോവേ, എനിക്കു ഉത്തരമ​രു​ളേ​ണമേ” എന്ന്‌ ദൈവ​ത്തോ​ടു യാചിച്ചു. (1 രാജാ​ക്ക​ന്മാർ 18:37) ഇസ്രാ​യേ​ല്യ​രെ പ്രതി​നി​ധാ​നം ചെയ്‌തു​കൊണ്ട്‌ സംസാ​രി​ക്കവെ യെശയ്യാ​പ്ര​വാ​ചകൻ, “നീയോ യഹോവേ, ഞങ്ങളുടെ പിതാ​വാ​കു​ന്നു” എന്ന്‌ പറഞ്ഞു. (യെശയ്യാ​വു 63:16) നമ്മുടെ സ്വർഗീയ പിതാവ്‌ പേരി​നാൽ തന്നെ സംബോ​ധന ചെയ്യാൻ മനുഷ്യ​രെ അനുവ​ദി​ച്ചി​രി​ക്കു​ന്നു എന്ന്‌ ഈ തിരു​വെ​ഴു​ത്തു​ക​ളിൽനി​ന്നു വ്യക്തമല്ലേ?

യഹോ​വ​യെ പേരി​നാൽ സംബോ​ധന ചെയ്യു​ന്നത്‌ പ്രധാ​ന​മാ​ണെ​ങ്കി​ലും അവന്റെ പേര്‌ അറിയു​ന്ന​തിൽ മറ്റു പലതും ഉൾപ്പെ​ട്ടി​ട്ടുണ്ട്‌. തന്നെ സ്‌നേ​ഹി​ക്കു​ക​യും തന്നെ ആശ്രയി​ക്കു​ക​യും ചെയ്യു​ന്ന​വർക്ക്‌ യഹോവ വാക്കു​കൊ​ടു​ക്കു​ന്നു: “അവൻ എന്നോടു പറ്റിയി​രി​ക്ക​യാൽ ഞാൻ അവനെ വിടു​വി​ക്കും; അവൻ എന്റെ നാമത്തെ അറിക​യാൽ ഞാൻ അവനെ ഉയർത്തും.” (സങ്കീർത്തനം 91:14) അതെ, ദൈവ​ത്തി​ന്റെ പേര്‌ അറിയു​ന്ന​വർക്ക്‌ അവന്റെ സംരക്ഷണം ലഭിക്കും എന്ന്‌ ഇവിടെ പറഞ്ഞി​രി​ക്കുന്ന സ്ഥിതിക്ക്‌ അവന്റെ പേര്‌ അറിയു​ന്ന​തിൽ ധാരാളം കാര്യങ്ങൾ ഉൾപ്പെ​ട്ടി​ട്ടുണ്ട്‌ എന്നു വ്യക്തം. അത്‌ അറിയാൻ തുടർന്നു വായി​ക്കുക.