Nahakki napuroiba nattraga nupiga yumban punsida khongdaminnaraba matungda, tongan-tonganba khudongchadaba kaya thengnarakkani. Hairibasingsi, wakhallon mannadaba amasung touthorakpa mawongda khetnaba kaya leibadagi oirakpa yai. Nattraga thajarudaba thoudoksing thoklakpa amasung atoppa maram kayadagi oirakpasu yai.

Khudongchadabasing thengnarakpada mai leiduna chenningba yai adubu Biblenadi madu maiyoknagadabani haina takpi. (Maathi 5:23, 24) Biblegi niyamsing injaduna, thengnariba khudongchadabasing adu yamna mai pakna maiyoknaba ngamgani.

BIBLENA KARI HAIRI: “Wa ngangbagi matam” lei. (Pao Sandokpa 3:1, 7) Thengnariba khudongchadabadugi maramda khannanaba matam soidana lougadabani. Madugi matangda nahakna kari khalli nattraga karamna phao-ee haibadu nahakki napuroiba nattraga nupigi maphamda thammoisengna khanghanbiyu. Matamchuppada mahakka “achumba wa ngangnou.” (Ephisa 4:25) Pukning phathaba ngamlaktaba, saoningba phaorakpa matamda khatna-cheinaba thoktanaba hotnabiyu. Ing tapna wari sannaragadi sathina khatna-cheinaba thokhandaba yagani.—Paorou 15:4; 26:20.

Yaningdaba matang yaorabasu mahakki maphamda nungsiba, ikaikhumnaba amasung thoujalheiba utpadi keidounungda kaoroidabani. (Colosiya 4:6) Khannariba waphamdu yarimakhei thuna loisinnaba hotnagadabani. Saonaribani haiduna kouna ngangnadaba touroidabani.—Ephisa 4:26.

NAHAKNA TOUBA YABADI:

• Thengnariba khudongchadabadugi maramda, matang matam chana khannabiyu

• Nahakna tagadaba matang oirabadi tabiyu marak thatlaga ngangludanaba hotnabiyu. Nahakki apamba phongdoknabagi matamsu phanggani

BIBLENA KARI HAIRI: “Amaga amaga nungsinou, amana amabu athoibani ningduna ikai khumnou.” (Romiya 12:10) Mahakna haiba matamda nahakna karamna tabibage haibadu yamna maru oi. ‘Nollukpaga’ loinana nahakki napuroiba nattraga nupina khalliba wakhallondu khangnaba hotnabiyu. (1 Peter 3:8; Jacob 1:19) Taba sasinnabagi mawong toubiganu. Yaragadi, nahakna thabak ama touramba taragasu ngaihak leplaga, mahakna hairibaduda yamna pukning changna tabiyu. Adugumba matang oidragadi, konna wari sanaba haibiyu. Nahakki punsi khongloi oiriba mahakpu, nahakna yeknaba amagum khandaba adubu maru oina khallabadi nahak ‘saogatpa thuba oiroi.’—Pao Sandokpa 7:9.

NAHAKNA TOUBA YABADI:

• Mahakna hairibasingduda yaningdaba yaorabasu marei yetnadana adum tabiyu

• Sijinnariba waheisingdu nattaba adubu phongdokningliba arthadu khangnaba hotnabiyu. Mahakna phongdokliba amasung ngangthokliba mawong matoudu khangbiyu

BIBLENA KARI HAIRI: “Thabak kanna nomjaba pumnamakta tongjaba lei; adubu chinbanda ngangbatanadi laira-chuthahalli.” (Paorou 14:13) Nakhoi anina aphaba warep ama punna louminnare haiba khaktana yade. Adubu loukhiba wareptu thabak oina pangthokpa tangaiphade. Madugidamak nahakna yamna kanna hotnaba yai adubu pumnamaktu nahakki kannanaba oigani. (Paorou 10:4) Nakhoi ani pullaga kanna hotnajaba matamda madugi “aphaba mana” soidana phangjagani.—Pao Sandokpa 4:9.

NAHAKNA TOUBA YABADI: . . .

• Thengnariba khudongchadabadu maiyoknanabagidamak isa-isana thabak oina pangthokpa yabasingdu lepthokpiyu

• Khudongchadabadu kadai phaoba maiyoknaba ngamlabage haibadu, matam matamgi oina yengbiyu