Yɩɩn-sõamyã sebre 146:1-10
146 Pẽg-y-yã a Zah!*+
Bɩ mam mengã tõr* pẽg a Zeova.+
2 Mam na n pẽga a Zeova m vɩɩmã tõre.
Mam sã n ket n vɩ fãa, mam na n yɩɩl n pẽga mam Wẽnnaamã.
3 Ra teeg-y nanambse,*wall ninsaalb sẽn pa tõe n wa ne fãagrã ye.+
4 Ninsaal vʋʋsmã sã n wa yõke, a lebda tẽn-gãongẽ wã.+Baraar bala, a tagsa wã satame.+
5 Sũ-noog soab la ned ning sõangd sẽn yaa a Zakoob Wẽnnaamã,+ned ning sẽn teeg a Wẽnnaam a Zeova wã.+
6 Yẽ n yaa Soab ning sẽn maan saasã ne tẽngã la mogrã,la bũmb nins fãa sẽn be b pʋsẽ wã,+Soab ning sẽn yaa sɩd soab wakat fãa wã.+
7 Yẽ n yaa soab ning sẽn kõt b sẽn zãmbd b rãmbã bʋʋmã,Soab ning sẽn kõt kom sẽn tar b rãmbã rɩɩbã.+
A Zeova fãagda sẽn be-b bãens rotẽ wã.*+
8 A Zeova pukda zoensã nini.+A Zeova zẽkda neb nins sẽn surã.+A Zeova nonga nin-tɩrsã.
9 A Zeova kogenda sãambã.A teenda kɩɩb* la pʋg-kõore,+la a kɩtdame tɩ nin-wẽnsã magb pa yãkd neng ye.*+
10 A Zeova na n yɩɩ Rĩm wakat fãa yĩnga.+A na n yɩɩ foom a Siyõ Wẽnnaam zãmaan woo zãmaana.
Pẽg-y-yã a Zah!*
Vẽnegr toor-toore
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
^ Bɩ, “mam sɩɩgã.”
^ Bɩ, “nin-kãsemse.”
^ Ebre, “b sẽn sẽb b rãmbã.”
^ Ebre, “biig sẽn pa tar ba.”
^ Bɩ, “a kɩtdame tɩ nin-wẽnsã sor lebg golengo.”
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
