Yɩɩn-sõamyã sebre 57:1-11
Yɩɩlã taoor soab yĩnga. Segd n yɩɩlame tɩ zems “Ra sãam ye.” A Davɩɩd yɩɩlle.* Yaa wakat ning a sẽn wa n zoet n na n põs a Sayulli, n tɩ kẽ tãngã bokẽ wã.+
57 Mam Wẽnnaam, zoe-y mam nimbãanega. Zoe-y mam nimbãanega,bala yaa yãmb nengẽ la mam* soond-yã.+Mam soonda yãmb pɩgsã maasmẽ, n gũudẽ hal tɩ zu-loeesã sa.+
2 Mam boonda Wẽnnaam sẽn ka to wã,Wẽnnaam ning sẽn kɩtd tɩ mam zu-loeesã satẽ wã.
3 A na n paa saasẽ n tʋm sõngre, n fãag maam.+
A na n kɩtame tɩ sẽn baood-a maam n na n yõkã magb ra yãk neng ye. (Sela)
Wẽnnaam na n tʋma a maan-neerã ne a kɩs-sɩdã.+
4 Gɩgma n gũbg maam.*+Mam segd n gãanda ne neb sẽn dat n wãb maam.B yẽnã yaa kãn la pɛɛma,tɩ b zɩlemdã yaa sʋʋg sẽn dɩte.+
5 Mam Wẽnnaam, bɩ y pẽgrã zẽk n yɩɩg saasã.Bɩ yãmb ziirã zĩnd tẽngã gill zugu.+
6 Bãmb segla bẽdg n na n bẽd mam naoã.+Zu-loeesã kɩtame tɩ mam* kuudẽ.+
B tuka bok mam taoore,la yaa bãmb mensã n wẽneg n lʋɩ a pʋgẽ.+ (Sela)
7 Mam Wẽnnaam, m sũur keemame.+Mam sũur keemame.
Mam na n yɩɩlame n pẽg yãmb ne yʋʋm-teedo.
8 Mam ziiri, neke.
Mam yʋʋm-teoog sẽn tar rissi, neke. M pɛndga, fo-me neke.
Mam na n neka zĩ-yẽegrã.+
9 Zeova, mam na n pẽga yãmb buud toɛy-toɛyã sʋka.+Mam na n yɩɩl n pẽga yãmb bu-zẽmsã sʋka.+
10 Bala yãmb maan-neerã yaa kãsenga, n zẽk n ta saasã.+Yãmb kɩs-sɩdã zẽkame n ta sa-gãnã.
11 Mam Wẽnnaam, bɩ y pẽgrã zẽk n yɩɩg saasã.Bɩ yãmb ziirã zĩnd tẽngã gill zugu.+
Vẽnegr toor-toore
^ Ebre, “miktam.” Tõe tɩ rat n yeelame tɩ “gʋlsem.”
^ Bɩ, “mam sɩɩgã.”
^ Bɩ, “mam sɩɩgã.”
^ Bɩ, “mam sɩɩgã.”
