Yɩɩn-sõamyã sebre 62:1-12
Yɩɩlã taoor soab yĩnga. Yɩɩnda ne Yedutun.* A Davɩɩd yɩɩlle.
62 Sɩd-sɩda, mam* sĩndame n gũud Wẽnnaam.
Mam fãagrã yita yẽ nengẽ.+
2 Sɩd-sɩda, a yaa mam pĩig la m fãagda, mam soondg zĩig meng-menga.+Mam pa na n tol n maan yɩɩr wʋsg ye.+
3 Yãmb na n zabda ne ned n dat n kʋ-a hal tɩ ta dabʋre?+
Yãmb fãa tõe n waa ne yell wa lalg sẽn kɩlle, wa kug lalg sẽn dat n lʋɩ.*
4 Bala b seta taab n dat n kɩt t’a yi a zĩig ning sẽn tar ziirã n lʋɩ.Bãmb sũur nooma ne ziri yagbo.
B ningda bark ne b noyã, la b sũyã pʋsẽ, b kãabda wẽnga.+ (Sela)
5 Sɩd-sɩda, mam sĩndame n gũud* Wẽnnaam,+bala mam saagrã yita yẽ nengẽ.+
6 Sɩd-sɩda, a yaa mam pĩig la m fãagda, mam soondg zĩig meng-menga.Mam pa na n tol n maan yɩɩr ye.+
7 Mam fãagrã ne m ziirã bee ne Wẽnnaam.
Wẽnnaam yaa mam pĩig sẽn tar pãnga, mam soondg zĩiga.+
8 Yãmb a ninsaalba, teeg-y-yã-a wakat fãa.
Togs-y-yã-a bũmb nins sẽn be y sũurẽ wã.+
Wẽnnaam yaa tõnd soondg zĩiga.+ (Sela)
9 Ãdem-biisã yaa pemsem bala.Ninsaalbã kamb pa tar teegr ye.+
B sã n naag-b fãa n dogl zɩslem makdg zugu, b yaa faasg n yɩɩd pemsem.+
10 Ra teeg fãabo,wall f teeg wagdem ye.
Fo arzɛkã sã n paasdẽ, bɩ f ra bas tɩ f yamã kẽ-a ye.+
11 Wẽnnaam goma vugri, tɩ mam wʋm bõn-kãngã naoor a yiibu:
Pãng yaa Wẽnnaam n so.+
12 Zeova, maan-neer me yaa yãmb n so.+Bala yãmb keooda ned kam fãa wa sẽn zems a tʋʋma.+
Vẽnegr toor-toore
^ Ges-y gom-biis võor bilgrã zĩigẽ.
^ Bɩ, “mam sɩɩgã.”
^ Pa rẽ bɩ, “Yãmb fãa, wa a yaa lalg sẽn kɩlle, kug lalg sẽn dat n lʋɩ.”
^ Bɩ, “mam sɩɩga, sĩnd n gũ.”
