Yel-bũnã sebre 20:1-30
20 Divẽ kɩtdame tɩ ned lebg nin-yaanda,+ tɩ rã-toos kɩtdẽ tɩ ned maand yaare.+Ned ning fãa sẽn bʋdgd n bas so-tɩrgã bõn-kãensã yĩng pa tar yam ye.+
2 Rĩm kẽesda neb rabeem-kãseng wa gɩgemd kɛlenga.+Ned ning sẽn kɩtd tɩ rĩm sũur yik ningda a vɩɩm yell pʋgẽ.+
3 Ned sã n yõk a meng n pa zabe, a segda ne pẽgre,+la sẽn yaa-a yalem pa na n tõog n gil zabrã ye.+
4 Kʋɩɩm pa kood waood wẽnd ye.Rẽ n so t’a na n kos rɩɩb kẽebgã wakate, a sẽn wat n pa tar baa fʋɩ wã.*+
5 Ninsaal sũur tagsa* yaa wa koom sẽn be zĩ-zulumsẽ,la sẽn tar-a yam-vẽenem yiisd-b lame.
6 Neb wʋsg moonda b maan-neere,la ãnda n tõe n yã ned sẽn maand sɩda?
7 Nin-tɩrg kẽnda a burkĩndã pʋgẽ.+
A kambã* sẽn na n pʋgl yẽ wã yaa sũ-noog rãmba.+
8 Rĩm sã n wa zĩnd a geer zug n na n kao bʋʋdo,+a ninã geta neere, n band wẽng buud fãa.+
9 Ãnda n tõe n yeel yaa: “Mam yɩlga m sũurã,+n yaa yɩlemd n pa le tar yel-wẽnde”?+
10 A Zeova kisazãmb kɩlo-rãmb* ne makds sẽn pa zemse.*+
11 Baa biig* meng tʋʋm-tʋmdɩ tõe n kɩtame tɩ b bãng-a,rat n yeel tɩ n bãng a manesmã sã n yaa sõma la tɩrga.+
12 Yaa a Zeova n naantʋbã sẽn wʋmdã, la ninã sẽn ne wã.+
13 Ra nong gõeem tɩ sã n pa rẽ, fo na n lebga naong soaba.+
Puk f ninã tɩ rẽ la f na n paam dɩɩb* tɩ seke.+
14 Ned sẽn daad bũmb yetame yaa: “Ka yõod ye. Ka yõod ye!”Rẽ poore, a loogdame n tɩ wukd a meng ne a sẽn da bũmb ningã.+
15 Nina tõe n tara sãnem ne koray-rãmb* wʋsgo,la noor sẽn gomd ne bãngr yaa bõn-sõngo.+
16 Ned sã n gom n sõng sãan t’a reeg samde, bɩ f reeg a fuugã.+Sã n yaa bu-zẽng pag* la a sõng-yã, bɩ f reeg bũmb ning a sẽn gãnegã.+
17 Zãmb dɩɩb* nooma ned noorẽ,la a noorã wat n pida ne kuga.+
18 Ne yẽsg* maasem, magb toor-toor pidsdame.+Fo sã n wa rabd zabre, yaa tɩlɛ tɩ f paam ned sẽn tar minim n tõe n wilg-f sore.*+
19 Munaafɩɩk gilgdame n vẽnegd yel-solgdse.+Ra maan tũud-n-taar ne ned sẽn nong wɩdg ye.*
20 Ned sã n kãabd a ba ne a ma wẽnga,a fɩtlã na n kii lik waoong wakate.+
21 Ned sã n paam rogem-pʋɩɩr ne zãmbo,pa na n wa tall yõod ne-a ye.+
22 Ra yeel yaa: “M na n maana wẽng n lebs”+ ye!
Teeg a Zeova,+ t’a na n fãag-f lame.+
23 A Zeova kisa zãmb kɩlo-rãmba.*Zãmb makds pa sõma ye.
24 Yaa a Zeova n wilgd ned a sore.+Ninsaal na n yɩɩ wãn n bãng a sore?*
25 Ned sã n yɩ yãg-yãg n pʋlem Wẽnnaam bũmbu,+
tɩ rẽ poor t’a yaool n tagsd a sẽn pʋlmã zugu, yaa bẽdgo.+
26 Rĩm sẽn tar yam tũusda nin-wẽnsã n welgd-b toore,+wa b sẽn maand to-to n welgd kood ne wudgã.+
27 Ninsaal vʋʋsem yaa a Zeova fɩtlsẽn kõt ninsaal sũurã vẽenem.
28 Maan-neer ne kɩs-sɩd kogenda rĩma.+Yaa ne maan-neer la a paasd a geerã pãnga.+
29 Kom-bɩɩsã ziir yaa b pãngã,+tɩ sẽn kʋʋl-bã neerem yaa b zoob-peendã.+
30 Yĩng sẽn bugi, la noad yiisda sẽn yaa wẽnga.*+Pãbr yɩlgda ned sũuri.
Vẽnegr toor-toore
^ Pa rẽ bɩ, “A na n gẽesa kẽebg wakate, n pa yã baa fʋɩ ye.”
^ Bɩ, “magb.” Ebre, “saglg.”
^ Ebre, “kom-dibli wã.”
^ Yaa bũmb b sẽn dogend balãns zugu, b sã n wa rat n mak bũmb zɩslem.
^ Bɩ, “kɩlo toor-toor a yiib b sẽn maan ne kug la lagd toor-toor a yiib b sẽn tar n makdẽ.”
^ Bɩ, “bi-ribl.”
^ Ebre, “bur.”
^ Ges-y gom-biis võor bilgrã zĩigẽ.
^ Bɩ, “sãan.”
^ Ebre, “bur.”
^ Bɩ, “saglg.”
^ Bɩ, “taoor soab sẽn tar yam.”
^ Bɩ, “sẽn belgd ne a no-bɩms ye.”
^ Bɩ, “kɩlo toor-toor a yiib b sẽn maan ne kuga.”
^ Bɩ, “sor ning a sẽn segd n dɩke?”
^ Bɩ, “ruuda sẽn yaa wẽng n yiisdẽ.”
