Yel-bũnã sebre 31:1-31
31 Ad rĩm a Lemuwɛll goama. Yaa koees sẽn tar yõod wʋsg a ma wã sẽn taas-a n na n zãms-a:+
2 M biiga, bõe la m na n yeel-fo?M biig sẽn yi mam pʋgẽ, bõe la m na n yeel-fo?M pʋlems biiga, bõe la m na n yeel-fo?+
3 Da rɩk f pãngã n kõ pagba,+wall f tũ soay sẽn sãamd rĩm-dãmb ye.+
4 Lemuwɛlle, ad bũmb sẽn pa tog ne rĩma:Pa rĩm n segd n yũ divẽ ye.Pa naab n segd n sok yaa: “Mam rãamã bee yɛ?”+
5 Yaa sẽn na yɩl t’a ra wa yũ n yĩm tõogã,n wẽg nimbãan-nebã ye.
6 Kõ neb nins sẽn na n sãamã rãam,+la f kõ sẽn be-b sũ-sãan-kãseng pʋgẽ wã divẽ.+
7 Bɩ b yũ n yĩm b naongã.Bɩ b ra le tẽeg b zu-loeesã yell ye.
8 Gom n sõng neb nins sẽn pa tõe n gomã.Sõng sẽn kolg-b kũumã fãa tɩ b paam bʋʋm.+
9 Gom la f kao bʋʋd ne tɩrlem.Sõng nimbãan-nebã la naong rãmbã tɩ b paam bʋʋm.+
א [Aleph]
10 Ãnda n tõe n paam pʋg-sõngo?+
A yõodã yɩɩda koray-rãmb* hal zĩig sẽn zãre.
ב [Beth]
11 A sɩdã kɩs-a-la sɩd ne a sũur fãa.Bũmb pa paoogd a sɩdã ye.
ג [Gimel]
12 A vɩɩmã tõre,a keooda a sɩdã ne sẽn yaa sõma, pa ne sẽn yaa wẽng ye.
ד [Daleth]
13 Pʋg-sõng baooda rũms kõbd ne lẽ gĩs n paamdẽ.A tʋmda ne a nusã ne sũ-noogo.+
ה [He]
14 A yaa wa toand koom-kogendo.+A kɩtdame t’a rɩɩbã yit zĩ-zãrsẽ n watẽ.
ו [Waw]
15 Sẽn paase, a yikdame tɩ zĩigã ket n yaa lika,n bao rɩɩb n kõ a zakã rãmba,la a kõ a tʋm-tʋmd-pogsã b pʋɩɩre.+
ז [Zayin]
16 A geta pʋʋgo, tɩ sã n ta a yam bɩ a ra.A senda viyn tɩɩs ne a meng ligdi.*
ח [Heth]
17 A segenda a meng n na n tʋm wʋsgo.*+A paasda a kamsã pãnga.
ט [Teth]
18 A neeme t’a leebgã kẽesda yõodo.A fɩtlã pa kiid yʋng ye.
י [Yod]
19 A nusã gãda gendrã.A nusã zãada gend-bilã.+
כ [Kaph]
20 A tẽegda a nug nimbãan-ned sõngr yĩnga.A pukda a nug naong rãmbã sõngr yĩnga.+
ל [Lamed]
21 A pa maand yɩɩr a zakã rãmb poorẽ waood yĩng ye.Bala a zakã rãmb fãa yera fut sẽn yiisd waoodo.*
מ [Mem]
22 A wʋgda a gãagã pɛɛl a toore.
A futã wʋga ne lẽ gĩs la rũms kõbd gĩs sẽn yaa miid-miidu.
נ [Nun]
23 B mii a sɩdã sõma tẽngã rignoyẽ,+zĩis nins a sɩdã sẽn zĩ soolmã kãsem-dãmb sʋkã.
ס [Samekh]
24 A wʋgda lẽ gĩs fut* n koosdẽ,la a koosd sẽbds wʋsg ne toandbã.
ע [Ayin]
25 A tara raoodo, tɩ neb a taabã waoogd-a.A pa yɛɛsd sẽn wat beoog ye.*
פ [Pe]
26 A yaagda a noorã n gomd yam goama.+Sõmblem tõog* bee a zɩlemdã zugu.
צ [Tsade]
27 A geta a zakã rãmb tʋʋm yelle.A pa rɩt kʋɩɩng rɩɩb* ye.+
ק [Qoph]
28 A kambã yikdame n yetẽ t’a yaa sũ-noog soaba.A sɩdã yikdame n pẽgd-a n yetẽ:
ר [Resh]
29 “Pʋg-sõma wʋsg n be,la foom, fo yɩɩda b fãa.”
ש [Shin]
30 Neerem tõe n belga neda. Neerem tõe n looga tao-tao,*+la yaa pag ning sẽn zoet a Zeova n na n paam pẽgre.+
ת [Taw]
31 Kõ-y-yã-a keoor bũmb nins a sẽn maandã yĩnga.*+
Bɩ a tʋʋmã kɩt t’a paam pẽgr tẽngã rignoyẽ.+
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “a nusã biisi.”
^ Ebre, “sẽbda a sɛɛg ne pãnga.”
^ Ebre, “fut a yiibu.”
^ Bɩ, “tẽngr fut.”
^ Bɩ, “A laada sẽn wat beoogo.”
^ Bɩ, “Maan-neer tõog.”
^ Ebre, “bur.”
^ Bɩ, “yɩɩ zaalem.”
^ Ebre, “Kõ-y-yã-a a nusã biisi.”
