Ezayi sebre 40:1-31
40 Yãmb Wẽnnaamã yeelame yaa: “Bels-y-yã, bels-y mam nin-buiidã.+
2 “Gom-y n bels Zerizalɛm sũurã,Yeel-y-yã-a t’a tʋʋm-wɛglã wakat taa a tɛka,la t’a yaoo a kongrã yĩnga.+
Yẽ reega a yel-wẽnã fãa yaood zãng* a Zeova nugẽ.+
3 Ned n zẽkd a koɛɛg we-raoogẽ wã n yetẽ:
“Kõog-y-yã* a Zeova sorã!+
Tuk-y so-kõodr sẽn yaa tɩrg+ we-rasempʋɩɩgẽ wã tõnd Wẽnnaamã yĩnga.+
4 Yẽd-y londã fãa,la y sarem tãng la kunkubr fãa.
Kɩt-y tɩ zĩ-zãntsã lebg zĩ-lamse,la y kɩt tɩ zĩ-londã lebg tẽn-nabre.+
5 A Zeova ziirã na n pukame,+la ninsaalbã* fãa na n yã-a lame,+bala yaa a Zeova meng noor n gome.”
6 Kelge! Ned n yet yaa: “Kelme!”
Tɩ ned a to sok yaa: “M kelem n yeel tɩ bõe?”
“Ninsaalbã* fãa yaa wa mo-maasa.
B maan-neerã fãa yaa wa puud sẽn be pʋʋg pʋgẽ.+
7 Mo-maasã kʋɩtame,tɩ tɩ-puudã zelgdẽ,+bala a Zeova vʋʋsmã fʋʋsda b zugu.+
Hakɩɩka, nin-buiidã yaa mo-maas bala.
8 Mo-maasã kʋɩtame,tɩ tɩ-puudã zelgdẽ,la tõnd Wẽnnaamã gomdã paada wakat fãa.”+
9 Foom a pag sẽn tar koe-noog n na n taas Siyõ,+rʋ tãn-lug-lug zugu.
Foom a pag sẽn tar koe-noog n na n taas Zerizalɛm,zẽk f koɛɛg ne pãnga.
Zẽk f koɛɛg la f ra yɛɛs ye.
Yeel Zida tẽnsã yaa: “Ad yãmb Wẽnnaamã.”+
10 Ade! Zu-soab sẽn ka to a Zeova na n waa ne pãnga,la a kangã na n dɩɩ naam a yĩnga.+
Gese! Yẽ wata ne a keoorã,la yaood ning a sẽn yaoodã bee a taoore.+
11 Wẽnnaam yaa wa pe-kɩɩm n na n ges a rũmsã yelle.*+
A na n tigma pe-bi wã ne a nugã,la a na n dɩk-b lame n ning a yãoogẽ.
Yẽ na n leka sẽn yẽsemd-b b kambã ne bʋgsem.+
12 Ãnd n mak mogrã koom fãa a nug-pʋgẽ,+la a mak saasã ne a nug-yakemde?*
Ãnd n wʋk dũniyã tom n ning makdg pʋgẽ,+wall a mak tãensã balãns pʋgẽ,la a ning kunkubã balãns pʋgẽ n make?
13 Ãnd n tõe n mak a Zeova vʋʋsmã,la ãnd n tõe n sagl-a la a wilg-a bũmbu?+
14 A yẽsa ne ãnd n na n wʋm bũmb võore,bɩ ãnd n wilg-a tɩrlem sore?Wall ãnd n sõng-a t’a paam bãngre,pa rẽ bɩ n wilg-a yam-vẽenem hakɩɩk sore?+
15 Ade! Buud toɛy-toɛyã yaa wa ko-tosr sẽn yit lʋʋgẽ,la wa wubsg sẽn gãneg balãnse.+
Ges-y-yã! Wẽnnaam zẽkda ko-sʋk tẽnsã wa wubsg sẽn yaa bãanega.
16 Baa Libã tɩɩsã mengã pa sekd bugum tuglg ye.A we-rũmsã pa sekd maoong sẽn yõogd bugum maaneg ye.
17 Buud toɛy-toɛyã neb fãa yaa zaalem Wẽnnaam taoore.+A get-b-la wa bõn-vɩɩdo, wa bũmb sẽn yaa faoore.+
18 Ãnda la yãmb tõe n dɩk n mak ne Wẽnnaam?+
Y tõe n yeelame tɩ Wẽnnaam wõnda bõe?+
19 Nug-tʋʋm soabã rõogda bõn-naandga,tɩ yõakã bolgd-a ne sãnem,+la a maand wanzuri bãens n nags-a.
20 Nina yãkda tɩɩg n na n kõ kũuni,+tɩɩg sẽn pa na n põoge.
A baooda nug-tʋʋm soaba,sẽn na yɩl t’a pees bõn-naandg sẽn pa na n bidg n lʋɩ.+
21 Yãmb pa mi la?
Yãmb pa wʋm la?
B zɩ n togs yãmb hal sɩngr wakatã la?
Yãmb pa bãng bũmb nins sẽn be hal dũniyã yẽbgr wakatã la?+
22 Wẽnnaam n be dũniyã sẽn yaa gilgã zugẽ,+tɩ dũniyã nebã yaa wa sʋya.
A tẽegda saasã wa peen-faasga,la a yɛdg-b wa fu-roog tɩ neb na n zĩnd be.+
23 Yẽ sikda nin-kãsemse,la a kɩtdẽ tɩ dũniyã bʋ-kaoodb* lebg zaalem.
24 B sẽn sel-b yee,b sẽn bʋd bãmb bala,b sẽn kɩ yẽg bala,la pemsem sẽn fʋʋs-b tɩ b kʋɩ,tɩ sobg rɩk-b n loog wa moodo.+
25 Sõng soabã sokame yaa: “Ãnd la yãmb tõe n mak ne maam, n tagsdẽ t’a zema maam?”
26 “Nak-y y nens yĩngr n gese.
Ãnd n naan bõn-kãensã?+
Yaa soab ning sẽn kɩtd tɩ b fãa yit wa tãb-biisi, n sõt-b yembr-yembrã.Yẽ boonda b fãa ne b yʋya.+
A pãngã sẽn yaa kãsengã yĩnga, la a pãngã sẽn sek rabeemã yĩnga,+b baa a ye pa paoog ye.
27 Zakoobe, Israyɛlle, bõe yĩng tɩ fo yetẽ yaa:‘A Zeova pa ne bũmb ning sẽn paamd maamã,Wẽnnaam toog kae ne b sẽn wẽgd maamã ye.’+
28 Fo pa mi la? Fo pa wʋm la?
A Zeova, tẽngã ween-vɩɩsã fãa Naandã yaa Wẽnnaam wakat fãa yĩnga.+
A pa yaade, la a pãngã pa boogd me ye.+
Ned pa tõe n fees n bãng a yamã* tɛk ye.+
29 A kõta ned ning sẽn yɛ pãnga,la a kõt neb nins sẽn ka pãngã pãng tɩ seke.+
30 Kom-dibli na n yɛɛme tɩ b pãng booge.Kom-bɩɩs na n lags n lʋɩɩme,
31 la neb nins sẽn teeg a Zeova wã na n le paama pãnga.
Bãmb na n yɩgame n lug yĩngr wa b tara pɩgs wa pa-nand-tuga.+
B na n zoeeme, la b pãngã pa na n boog ye.B na n kẽname la b pa na yɛ ye.”+
Vẽnegr toor-toore
^ Bɩ, “naoor a yiib.”
^ Bɩ, “Maneg-y-yã.”
^ Ebre, “yĩn-nemsã.”
^ Ebre, “Yĩn-nemsã.”
^ Bɩ, “na n kɩɩm a rũmsã.”
^ Ges-y vẽnegr ning sẽn yaa B14.
^ Bɩ, “nanambs.”
^ Bɩ, “bãngrã.”
