Yʋʋmd 4026 S.D.Z.R. poore

“Waafã” yeelame t’a Zeova pa tar sor n na n dɩ naam, la t’a sẽn dɩt a naamã to-to wã pa sõma ye. A Zeova pʋlmame t’a na n kɩtame tɩ ‘yageng’ wa, la tɩ yagengã na n wa bedsa waafã sẽn yaa a Sʋɩtãanã. (Sɩngre 3:1-5, 15) La a Zeova kõo ninsaalbã weer tɩ b na n soog b mens tɩ waafã wilgd-b sore.

Yʋʋmd 1943  S.D.Z.R.

A Zeova yeela a Abrahaam tɩ ‘yageng’ ning a sẽn pʋlmã na n yii a pendẽ wã.—Sɩngre 22:18.

Yʋʋmd 1070 S.D.Z.R. poore

A Zeova yeela rĩm a Davɩɩde, la a le wa yeel a Davɩɩd biig a Salomo tɩ ‘yageng’ ning a sẽn pʋlmã na n yii bãmb pendẽ wã.—2 Sãmwɛll 7:12, 16; 1 Rĩm-dãmbã 9:3-5; Ezayi 9:6, 7.

Yʋʋmd 29 Z.R.P.

A Zeova wilgame tɩ yaa a Zeezi la ‘yageng’ ning sẽn tar sor n na n deeg a Davɩɩd naamã.—Galat-rãmbã 3:16; Luk 1:31-33; 3:21, 22.

 Yʋʋmd 33 Z.R.P.

Waafã sẽn yaa a Sʋɩtãanã pogla “yagengã” wakat bilf pʋgẽ, a sẽn kɩt tɩ b kʋ a Zeezi wã. A Zeova vʋʋga a Zeezi t’a na n tɩ vɩɩmd saasẽ, la a sak a Zeezi sẽn kõ a vɩɩmã sẽn zems zãngã tɩ yɩ maoongã. Woto, a tõe n tika rẽ n kõ yel-wẽnã sugri, la a kõ a Ãdem kambã ne a yagensã vɩɩm sẽn kõn sa wã.—Sɩngre 3:15; Tʋʋma 2:32-36; 1 Korẽnt rãmbã 15:21, 22.

Yʋʋmd 1914 Z.R.P. sẽnese

A Zeezi loba waafã sẽn yaa a Sʋɩtãanã tẽngã zugu, t’a na n pa be wakat bilf yĩnga.—Vẽnegre 12:7-9, 12.

Beoog-daare

A Zeezi na n paga a Sʋɩtãan yʋʋm tusri, tɩ rẽ poor bɩ a sãam-a tɩ yaa wa a bedsa a zugã. A Zeova sẽn sɩng n dat bũmb ning ne tẽngã la ninsaalbã na n pidsame, t’a yʋʋrã manege, la a wilg t’a sẽn dɩt naamã to-to wã n yaa sõma.—Vẽnegre 20:1-3, 10; 21:3, 4.