YƖƖLL 29
D pa rat n sãam Wẽnnaam yʋʋr ye
-
1. Ziir soab la pãng sẽn ka to soab a Zeova.
Fo yaa nonglem la tɩrlem fãa yẽgre.
Fo yaa sɩd soaba, fo yam me ka koak ye.
Fo yaa Rĩm sẽn ka to sẽn be saasẽ.
Tõnd sẽn paam n yaa f nebã nooma tõndo,
tɩ d moond fo Rĩungã koɛɛgã ne d sũur fãa.
(REESGO)
Paam n yɩ fo Kaset soab yaa zu-zẽkre.
Bɩ tõnd ra sãam fo yʋʋrã a bada!
-
2. Tõnd sẽn naag taab n maand fo raabã yĩnga,
d zemsda taab la d nong taab ne d sũy fãa.
Daar fãa, tõnd sẽn zãmsed nebã fo Gomdã,
zẽkda fo yʋʋr la kõt tõnd sũ-noogo.
Nebã sẽn mi tɩ tõnd yaa f Kaset rãmbã,
kɩtame tɩ fo ziirã tar paasgo.
(REESGO)
Paam n yɩ fo Kaset soab yaa zu-zẽkre.
Bɩ tõnd ra sãam fo yʋʋrã a bada!
(Ges-y Tõo. 32:4; Yɩɩn. 43:3; Dãn. 2:20, 21.)
