Vɩɩmã na n yɩɩ wãn beoog daare?
Vɩɩmã . . .
-
na n kell n paa woto bɩ?
-
a na n ket n kengdame bɩ?
-
bɩ na n wa manegame?
BIIBLÃ SẼN YETE
“Wẽnnaam na n yẽesa nintãm fãa ninsaalbã ninẽ, la kũum pa na n le zĩndi, sũ-sãanga, yãbr wall toog pa na n le zĩnd ye. Bũmb nins sẽn da be pĩndã loogame.”—Vẽnegre 21:3, 4.
RẼ SẼN TÕE N NAF-Y TO-TO
Y na n paama tʋʋmd sẽn tar bark la sẽn na n naf-yã.—Ezayi 65:21-23.
Bãas la toog buud baa a ye pa na n le zĩnd ye.—Ezayi 25:8; 33:24.
Yãmb ne y roagdb la y zo-rãmb na n paam n vɩɩmda ne sũ-noog wakat sẽn kõn sa.—Yɩɩn-sõamyã 37:11, 29.
D TÕE N TẼE BIIBLÃ SẼN YETÃ BƖ?
N-ye. Ad bʋʋm a yiibu:
-
Wẽnnaam tara tõog n na n pids a sẽn pʋlmã. Biiblã pʋgẽ, yaa Wẽnnaam a Zeova a ye bal la b boond tɩ “Sẽn-tõe-a-fãa,” a pãngã sẽn ka koakã yĩnga. (Vẽnegre 15:3) Rẽnd a tõe n pidsa a sẽn pʋlmã, n kɩt tɩ dũniyã toeem n lebg sõma. Wa Biiblã sẽn yeelã, “sã n yaa ne Wẽnnaam, bũmb fãa tõeeme.”—Matiye 19:26.
-
Wẽnnaam tʋll n pidsa a sẽn pʋlmã. Wala makre, Biiblã yeelame t’a Zeova yãgdame n dat n vʋʋg neb nins sẽn maan kaalmã.—Zoob 14:14, 15.
Biiblã wilgdame me tɩ Wẽnnaam Bi-ribl a Zeezi Kirist sãooga bãad-rãmba. Bõe yĩng t’a maan woto? Yaa a sẽn da rat n sõng-bã. (Mark 1:40, 41) A Zeezi sẽn da sõngd sẽn dat-b sõngrã, a rɩka a Ba wã togs-n-taar kɛpɩ.—Zã 14:9.
Rẽnd d tõe n kɩsa sɩd t’a Zeova ne a Zeezi ratame n sõng-d tɩ d wa paam vɩɩm sẽn tar barka.—Yɩɩn-sõamyã 72:12-14; 145:16; 2 Pɩyɛɛr 3:9.
AD SOKRE:
Wãn to la Wẽnnaam na n kɩt tɩ dũniyã toeem n lebg sõma?
Biiblã leokda sok-kãngã MATIYE 6:9, 10 la DÃNIYƐLL 2:44 pʋgẽ.
Découvrez aussi…
GŨUSG GASGÃ
Vɩɩmã na n yɩɩ wãn beoog-daare?
Bao-y n bãng-y Wẽnnaam sẽn yeel bũmb ning beoog-daarã wɛɛngẽ wã, la neb nins sẽn na n vɩɩmd tẽngã zug sasa kãngã wɛɛngẽ, tɩ na n sõnga yãmb tɩ y maneg n tẽ Wẽnnaam pʋlemsã.
BIIBLÃ ZÃMSG SẼN TAR YÕOD WƲSGO
Wẽnnaam Rĩungã yaa bõe?
A Zeezi koe-moonegã sasa, a ra gomda Wẽnnaam Rĩungã yell n yɩɩd bũmb a taabã. Sẽn na maan yʋʋm kobs masã, a karen-biisã pʋʋsdame n kotẽ tɩ Rĩung-kãng wa
GŨUSG GASGÃ
Bõe la Wẽnnaam Rĩungã na n wa maane?
A Zeezi ra miime tɩ yaa Wẽnnaam Rĩungã bal n tõe n welg ãdem-biisã zu-loeesã fãa. Bõe la Rĩun-kãng zoe n maandẽ, tɩ tõe n sõng tõnd tɩ d maneg n kɩs-a sɩda?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
