IBQAʼ ATTENT!
2023: Sena Mimlija Anzjetà—X’Tgħid il-Bibbja?
Matul is-sena 2023, ġraw ħafna affarijiet madwar id-dinja li juru b’mod ċar li qegħdin ngħixu matul dak li l-Bibbja tiddeskrivi bħala “l-aħħar jiem.” (2 Timotju 3:1) Ara kif l-affarijiet li qed jiġru madwarna huma l-istess affarijiet li l-Bibbja qalet li se jiġru fi żmienna.
X’tgħid il-Bibbja u x’qed jiġri fid-dinja
“Gwerer f’postijiet differenti.”—Mattew 24:6.
“Il-ġlied u l-vjolenza qed jiżdiedu f’ħafna postijiet fid-dinja. a
Ara l-artikli “Min Se Jsalva lill-Innoċenti fil-Gwerer?” u “World Military Spending Surpasses $2 Trillion.”
“Terremoti f’post wara l-ieħor.”—Marku 13:8.
“Mill-bidu tas-sena 2023, madwar id-dinja kien hemm 13-il terremot b’qawwa taʼ iktar minn 7. Dan huwa wieħed mill-iżjed ammont għoli minn kemm ilhom jinżammu r-rekords.” b
Ara l-artiklu “Terremoti Qawwijin Jolqtu t-Turkija u s-Sirja.”
“In-nies se jaraw affarijiet tal-biżaʼ.”—Luqa 21:11.
“Iż-żmien tal-global warming spiċċa, issa qegħdin fiż-żmien tal-global boiling.”—António Guterres, is-Segretarju Ġenerali tal-ĠM. c
Ara l-artiklu “Sħana Estrema fis-Sajf tal-2023.”
“Nuqqas taʼ ikel.”—Mattew 24:7.
“2023: Sena oħra mimlija anzjetà għal dawk li qed isibuha diffiċli biex jipprovdu ikel għall-familja tagħhom.” d
Ara l-artiklu “Global Food Crisis Fueled by War and Climate Change.”
“Żminijiet kritiċi li diffiċli biex issib tarfhom.”—2 Timotju 3:1.
“Madwar id-dinja, wieħed minn kull tmienja jbati b’xi tip taʼ saħħa mentali.” e
Ara l-artiklu “Jiżdiedu Problemi taʼ Saħħa Mentali fiż-Żgħażagħ.”
X’nistgħu nistennew fl-2024?
Ħadd ma jaf eżatt x’se jiġri fl-2024. Imma dak li qed jiġri fid-dinja bħalissa juri li dalwaqt ġejja s-Saltna t’Alla, jiġifieri l-gvern t’Alla fis-sema. Din se tmexxi minflok il-gvernijiet li hawn fuq l-art u se tneħħi kull ħaġa li ġġib it-tbatija u l-anzjetà.—Danjel 2:44; Rivelazzjoni 21:4.
Sadanittant, meta nħossuna anzjużi, nistgħu nfittxu l-għajnuna mingħand Alla. Il-Bibbja tgħid:
“Meta nibżaʼ, nafda fik.”—Salm 56:3.
Kif nistgħu nuru li nafdaw f’Alla? Ninkuraġġuk biex titgħallem iżjed dwar il-wegħda tal-Bibbja għal futur mingħajr tbatija. Prova studja l-Bibbja b’xejn biex tara kif il-wegħdi tal-Bibbja jistgħu jgħinu lilek u lill-familja tiegħek.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, 30 t’Ottubru, 2023.
b Earthquake News, “Year 2023: Number of Major Earthquakes on Course for Record,” Mejju, 2023.
c United Nations, “Secretary-General’s Opening Remarks at Press Conference on Climate,” 27 taʼ Lulju, 2023.
d World Food Programme, “A Global Food Crisis.”
e World Health Organization, “World Mental Health Day 2023,” 10 t’Ottubru, 2023.
Tistaʼ Tara Wkoll
IKTAR SUĠĠETTI
Tama Vera għal Futur Aħjar
Dak li twegħedna l-Bibbja, kif inhu differenti milli jwiegħdu jew jaħsbu n-nies għall-futur?
ESSENTIAL BIBLE TEACHINGS
X’inhi s-Saltna t’Alla?
Matul il-ministeru tiegħu fuq l-art, Ġesù għallem dwar is-Saltna t’Alla iktar minn kwalunkwe suġġett ieħor. Għal sekli sħaħ, is-segwaċi tiegħu talbu biex din is-Saltna tiġi.
STENBAĦ!
X’Tistaʼ Tagħmel Meta Tkun Stressjat
Aqra dwar xi prinċipji prattiċi li jistgħu jgħinuk tittratta aħjar mal-istress u forsi anke tnaqqsu.
DWARNA
Saqsi Biex Jiġi Jżurek Xi Ħadd
Iddiskuti mistoqsija mill-Bibbja, jew tgħallem iżjed dwar ix-Xhieda taʼ Ġeħova.
