X’Inhu l-Iskop tal-Ħajja?
It-tweġiba tal-Bibbja
Il-mistoqsija dwar l-iskop tal-ħajja tistaʼ titpoġġa b’ħafna modi, bħal ngħidu aħna, Għala qegħdin hawnhekk? jew Ħajti għandha sinifikat? Il-Bibbja turi li l-iskop tagħna fil-ħajja hu li nibnu ħbiberija m’Alla. Ikkunsidra xi ftit minn dawn il-veritajiet fundamentali li tirrivela l-Bibbja.
Alla hu l-Ħallieq tagħna. Il-Bibbja tgħid: “Hu [Alla] li għamilna, u mhux aħna nfusna.”—Salm 100:3; Rivelazzjoni 4:11.
Alla għandu skop għal kulma joħloq, inkluż għal bnedmin.—Isaija 45:18.
Alla ħalaqna bi “bżonn spiritwali,” li jinkludi x-xewqa li nsibu l-iskop tal-ħajja. (Mattew 5:3) Hu jridna naqtgħu dik ix-xewqa.—Salm 145:16.
Aħna nissodisfaw il-bżonn spiritwali tagħna billi nibnu ħbiberija m’Alla. Għalkemm għal xi wħud l-idea li jsiru ħbieb t’Alla tistaʼ tidher impossibbli, il-Bibbja tagħtina dan l-inkuraġġiment: “Ersqu qrib lejn Alla, u hu jersaq qrib lejkom.”—Ġakbu 4:8; 2:23.
Biex insiru ħbieb t’Alla, irridu ngħixu fi qbil mal-iskop li hu għandu għalina. Il-Bibbja tgħid x’inhu dan l-iskop f’Ekkleżjasti 12:13: “Ibżaʼ minn Alla, u ħares il-kmandamenti tiegħu: għax dan hu d-dmir taʼ kull bniedem.”—Il-Bibbja Mqaddsa taʼ Karm Żammit.
Fil-futur, nistgħu nesperjenzaw bis-sħiħ l-iskop oriġinali li Alla għandu għalina meta hu se jneħħi t-tbatija u jagħti l-ħajja taʼ dejjem lil ħbiebu, jiġifieri, lil dawk li jqimuh.—Salm 37:10, 11.
Tistaʼ Tara Wkoll
TAGĦLIM IMPORTANTI TAL-BIBBJA
X’Inhu l-Iskop tal-Ħajja?
Sir af kif tistaʼ tkun ferħan u jkollok skop f’ħajtek.
MISTOQSIJIET DWAR IL-BIBBJA MWEĠBIN
X’Inhi r-Rieda t’Alla Għalija?
Għandek bżonn xi sinjal jew sejħa speċjali biex tkun taf x’inhi r-rieda t’Alla? Sir af it-tweġiba tal-Bibbja.
TAGĦLIM IMPORTANTI TAL-BIBBJA
Kif Tistaʼ Tkun il-Ħabib t’Alla?
Għal mijiet taʼ snin, ħafna nies xtaqu jsiru jafu lill-Ħallieq. Il-Bibbja tgħinna nsiru ħbieb t’Alla. Dan nistgħu nagħmluh billi l-ewwel nitgħallmu x’jismu.
