ယုံကြည်စိတ်ချရတဲ့ အချက်အလက်တွေကို ရှာဖွေ အသုံးပြုပါ။ ကျမ်းစာကို အခြေခံပြီး ပြောဆိုပါ။ ဖြစ်နိုင်တဲ့အခါတိုင်း ကျမ်းစာထဲကနေ ဖတ်ပြပါ။ သိပ္ပံဆိုင်ရာအကြောင်း၊ သတင်းတစ်ပုဒ်၊ တွေ့ကြုံမှုတစ်ခု၊ အထောက်အထားတစ်ခုအကြောင်း ပြောတဲ့အခါ ကိုးကားတဲ့ရင်းမြစ်က ယုံကြည်စိတ်ချရရဲ့လား၊ နောက်ဆုံးအချက်အလက် ဖြစ်ရဲ့လားဆိုတာ အရင်စစ်ဆေးပါ။

အချက်အလက်တွေကို တော်မှန်စွာ သုံးပါ။ ကျမ်းချက်တွေကို ရှင်းပြတဲ့အခါ အထက်အောက်စကား၊ ကျမ်းစာရဲ့အဓိကသတင်းစကား၊ ‘သစ္စာနဲ့ သတိပညာရှိကျွန်’ ထုတ်ဝေတဲ့ စာပေတွေနဲ့အညီ ဖြစ်စေပါ။ (မ. ၂၄:၄၅) လောကသတင်းတွေကို ကိုးကားတဲ့အခါ မူရင်းအဓိပ္ပာယ်အတိုင်း၊ စာရေးသူ ဆိုလိုတဲ့အတိုင်း ဖြစ်စေပါ။

အထောက်အထားကို ကျိုးကြောင်းဆင်ခြင်ပါ။ ကျမ်းချက်တစ်ချက်ဖတ်ပြီး ဒါမှမဟုတ် အချက်အလက်ကို ကိုးကားပြီးနောက်မှာ နားထောင်နေသူတွေ ကိုယ်ပိုင်ကောက်ချက်ချနိုင်အောင် မေးခွန်းတစ်ခု မေးပါ၊ ဒါမှမဟုတ် ဥပမာတစ်ခု ပေးပါ။