Elobmîs ǁkhāǁkhās aiǃâ

1. 1. ǃGâise aiǂhomisen. Aiǂhomisen du ra khami ǂhâsigu, mâsigu tsî ǂâiǀgaub sadu ra ǁkhāǁkhā khoe-i digu xa ǂâi. ǂÂiǃgâ re mâ xūron ra mâǂoasa, sadu ra ǁkhāǁkhā khoe-i ǃgomse ra ǁnâuǃāna. ǂÂiǃgâ re “Ôaǃnâ” ti hâ ǃâb mati sadu ra ǁkhāǁkhā khoe-e a hui ǁkhāsa. Tsî ǂhâbasa î ga o ǁîna sîsenū, khoe-e du ra ǁkhāǁkhā hîna.

Elobmîs ǁkhāǁkhās ǃnâ

1. 2. Sadu ra ǁkhāǁkhā khoe-i ga mā-am o, ǀgores ǀkha tsoatsoa tsî ǀam re.

2. 3. Tā kaise ǃhoa. ǂKhanib ǃnâ hâ xūna ǃgaoǃgâ tsî ǁkhāǁkhā du ra khoe-e mā-am ī-i ǁgâiǂuisen.

3. 4. ǀAsa ǁkhāǁkhāǃâ-e du ga tsoatsoa o. Mâǂoara ǂâis ǁkhāǁkhāǃâs disa ǃhoaǃgao. Tsî ǀnîhâ ǁkhāǁkhāǃâdi di xoaǂamdi tsîna ǃhoaǃgao re.

4. 5. ǃÂ-i ǀkha du ga toa o, ǁkhāǁkhāsen du go xūna ǂâiǃgâ ti hâ ǃâba sîsenū. Tsî sadu ra ǁkhāǁkhā khoe-e hui ī-i ǂâiǃgâ ǁkhāǁkhāsen î go Elobmîs amab xa.

5.  6. Sadu ra ǁkhāǁkhā khoe-i ǀkha du ga ǃhoaǃgao o:

   1. ǂHaweb ai hâ xūn hoana khomai.

   2. “Khomai” ti saosa xoadi hoade khomai.

   3. Māsa xoadi tsîna khomai re ǂhâbasa î ga o.

   4. “ǀHuru re” ti ǁgau-e hâ vidioga ǀhuru (hâ i ga o).

   5. Mâ dîs hoasa khoe-e dî.

   6. Khoe-e ai-īsiga kō kai, “ǃGamse ôaǃnâ re” ti hâ ǃâb ǃnāga. Tsî ǁî-e dî, ī-i ǁnā ai-īsib xa xū-e mî.

   7. “Sadu nî dī xū-i” ti hâ ǃâba sîsenū, ī-i khoe-e ǁî-i gagasi aiǃgûsa kō. ǁÎ-e du ge ǀnîsi a ǂkhâǃnâ ǁkhā ī-i supu mîǁguiga dī.

   8. Sadu ra ǁkhāǁkhā khoe-e dî, vidio-i tamas ka io ǁkhāǁkhāǃâ-i xa î go ǃgâibahe isa. Aiǂhomi i goro ǁaeb ai, “Ôaǃnâ” ti hâ ǃâb ǃnāga.

   9. Dītsâ tsî hoa ǁkhāǁkhāǃâsa dītoa.

Elobmîs ǁkhāǁkhās khaoǃgâ

1. 7. Sadu ra ǁkhāǁkhā khoe-i xa ǂâi. Jehovaba ǃoa ǀgore tsî ǂgan îb sadu ra ǁkhāǁkhā khoe-i aiǃgûsa ǀkhae. Tsî ga-aisiba mâ du, î du ǁî-e hui ǁkhā.