YOMARAS tsî ǁîs ǃgâga Marcelob tsî Hiveri tsîn ge Guatemalas ǃnâ, ǂkhari ǃāros ǃnâ ra ǁan. Yomaras ge ǂgurose Elobmîsa ge ǁkhāǁkhāsen tsoatsoa. Tsî ǁîs ǃgâ kha tsîn ge ēga Elobmîsa ge ǁkhāǁkhāsen tsoatsoa, Jehovab ǃoaba-aon ǀkha. Xaweb ge ǃgomsiba ge hâ i. Hoaraga ǃnonan ge ge ǂgī i. Tsî i ge nēs xa ǃaromahe hâse ǁîna ge Elobmîsa gere ǁkhāǁkhā ǃgâsaba hoa xūna gere khomai ǁgâ. Elobmîs xoadi tsîna ǃkhōǂgā hâse.

ǀHaode hâǃnâs tsîn ge ǁîna ge ǃgomba i. ǁÎn ge aitsama 40 haigu ǁaeba ǀguri ǀhaode ǃoa ge ǃgûǁoa i. Xawen ge ǃgâsana ǁîna gere hûi în hoa ǀhaodi tawa sī ǁkhā. Tsîn ge ǀhaodi tawa ǃâga ūhâ io, on ge ǃgâsana gere hui nî în ǁîn di ǃâga ǃkhō-mâi ǁkhā.

Meib 2019ǁî kurib ǃnâ i ge ǀhaode ǁîn di ǃās ǃnâ ge ūhâ-e tsoatsoa. Tsî ǁnā ǁaeb ai i ge ǁnaetisa aimâba khoe-aogu ra ǁnāwa ge doesī. Nē khoe-aogu ra ge brail gowaba khomai tsî ge xoa tama hâ i. Xawe ra ge ǁîra ge mîǁgui nē khoeǃgâguna Brail gowaba xoa tsî khomaisa ǁkhāǁkhāsa. Tsî ra ge ǁîra librarib ǃnâ brail gowab xa hâ ǂkhanina ū tsî ge ǁkhāǁkhāsen tsoatsoa.

ǃNona ǁkhâgu ǃnân ge nē khoeǃgâguna brail gowaba supuse ge khomai ǁkhā i. Tsîs ge nēsa ge hui, în ǃgam ǀgaisa ǀhōsagusisa Jehovab ǀkha ūhâ. a Nēsi i ge Yomaras, Marcelob tsî Hiveri tsîna ǁnaetisa aimâba-aose ra ǃoaba. Marcelob ge ǀHaohâb hui-aob ase ra ǃoaba. ǁÎn ge kaise gagasi xūn ǀkha ra ǁaeǁaesen mâ wekheb hoaba. ǁÎn ge ǁkhoaǂgaosib ǀkha Jehovaba ra ǃoaba tsîn ge ǁnān hîna ǁîn ǂnamipe hân tsîna ǁkhā ǁkhoaǂgaosiba ra ǁgau.

Nē khoeǃgâgun ge kaise nē ǀnamxaǃnâ ǀgaub ǀhâohâba xūn ra hōba ra ǃgôaǃgâ. Yomaras ge ra mî, “ǂguro ǃnās hîna da ge ǀhûǀguitimî-aon ǀkha a ǀhaosa xu da ge Xristeǁî ǀnamma ra mû.” Marcelob ge ra ǀaro: “Kaise ǃgâi ǀhōsana da ge ǀhaohâb ǃnâ ūhâ. Tsî da ge ǃhūbaib ǂhawase hâ gagasi omaris ǃâ ǀguiǃnâxaxsib ǃnâ.” Yomaras tsî ǁîs ǃgâgu tsîn ge ra mûǂui, Jehovab ǃhūbaiba nî ǀkharaǀkhara tsēsa paradaisa ǃoa.—Psa. 37:10, 11; Jes. 35:5.