Timitstlaskamatiliaj pampa timomachtik ni pilamochtsi uan nojua kuali techixmatki, tijmatki tlake tijchiuaj uan kenijkatsa titekitij. Nojkia tlauel kuali tlaj ika ni pilamochtsi tikitak san tojuantij tijchiuaj tlen Jehová kineki ipan ni tonali. Timitstlaneuij nojua xikixmati toTeotsij. Xikinpouili mochampoyouaj uan mouampoyouaj tlen timomachtia uan nochipa ximonechiko touaya (Hebreos 10:23-25).

Tlaj nojua tikixmajtias Jehová, tikitas tlauel mitsiknelia. Ni mitsyololinis tijchiuas kampeka nojkia tikiknelis (1 Juan 4:8-10, 19). Yeka, ¿kenijkatsa uelis tijnextis tikiknelia toTeotsij ipan monemilis? ¿Kenke mitspaleuis tlaj tijneltokas itlanauatiljuaj? Uan, ¿tlake mitspaleuis nojkia tijchiuas tlen toTeotsij kineki? Katli mitsmachtia Biblia mitspaleuis tijmatis kenijkatsa tijnankilis ni tlajtlanili, kiampa ta uan mochampoyouaj “[innemisej] kuali ika toTeko para uelis inkiitasej kejatsa miak inmechiknelia. [...] Kema tijchiaj para toTeko ma techmakas nopa yolistli tlen axkema tlamis” (Judas 21).

Timitstlaneuij ika nochi toyolo xijchiua kampeka kuali tijtekipanojtias toTeotsij. Tlauel mitspaleuis tlaj timomachtis amochtli Xijchiuakaj ma inmechiknelijto toTeotsij.