Tlen mitspaleuis xiyolpaki
“Tlauel nechyolkokoua kema nikita pano tlen amo kuali, kej kema mochiua tlauilankayotl, miakej amo kipiaj tlen ika mopanoltisej, mokokouaj uan kintlaijiyouiltiaj konemej. Maske pano ni tlamantli, nama nijmati teipa kuali tiitstosej” (RANI). *
Rani tlauel yolpajki kema kimatki toTeotsij uelis techpaleuis kuali ma tiitstokaj pampa san ya eli Katli kipia nochi chikaualistli. Kema tijpouas ni pilamochtsi, xikita kenijkatsa toTeotsij uelis mitspaleuis xijpia ni tlamantli:
Xiyolpaki ininuaya mochampoyouaj.
Kuali ximouika ininuaya sekinok.
Xiyolpaki ika tlen tijpia.
Xijmati kenke titlaijiyouiaj uan timikij.
Ximotemachi teipa kuali tiitstos.
Xikixmati uan xijnechkaui toTeotsij.
Nojkia tikitas kenijkatsa nochi maseualmej uelis kipiasej nopa tlalnamikilistli tlen toTeotsij temaka tlaj kitemosej.
^ párr. 2 Kinpatilijtokej inintoka.
