Sampatsi ipan se xiuitl, ipan nochi Tlaltipaktli Jehová itlajtoltemakauaj uan sekinok maseualmej katli kintlaneuij monechikouaj pampa kiilnamikij Jesús imikilis. Kiampa kichiuaj pampa Jesús technauatik (Lucas 22:19). Ipan nopa tonali, tijkuamachiliaj kenke Jesús monejki temaktilis inemilis topampa. Nojkia tikitakaj kenijkatsa imikilis techpaleuia kuali ma tiitstokaj ipan ni tonali uan nojkia teipa (Juan 3:16).

 Maske timonechikok touaya kema moilnamijki Cristo imikilis ni xiuitl o amo, ¿kenijkatsa uelis mitspaleuis Jesús imikilis? Ya kiijtok moneki tijchiuasej ome tlamantli.

1.  1. Tikixmatisej toTeotsij uan Jesús. Se tonali, Jesús kiiljuik iTata: “Inijuantij kipiaj yolistli yankuik para nochipa intla mitsixmatij ta tlen melauak tiDios uan axaka seyok, uan nojkia nechixmatij na niJesucristo tlen tinechtitlantok” (Juan 17:3).

2.  2. Tijchiuasej tlen tijyekouaj. Jesús kiijtok moneki tijchiuasej ipan tonemilis tlen ya techmachtik. Se neskayotl, kema tlanki tlamachtia ipan se tepetl, kiijtok kuali tlen kichiuayayaj katli kitlakakiliaj uan “uan kichiuaj” ipan ininnemilis (Lucas 6:46-48). Seyok tonali kiijtok: “Ya inkimachiliaj para niinmechiljuijtok ximotekipanokaj se ika seyok, uajka xijchiuakaj uan inmechmakas miak pakilistli” (Juan 13:17).

 ¿Mitspaktiskia tijmatis sekinok tlamantli tlen Jehová uan Jesús? ¿Tijneki tijmatis kenijkatsa uelis tijchiuas ipan monemilis tlen tijyekoua? Nikaj uelis tikitas se keski tlamantli tlen mitspaleuis:

 Kema maseualmej momachtiaj Biblia touaya kinpaleuijtok ma kikuamachilikaj Biblia uan ma kichiuakaj tlen kiyekouaj.

•   Xikita kampa kiijtoua “Tlen ika uelis timomachtis Biblia” uan kiampa tijmatis sekinok tlamantli tlen tijchiuaj kema titlamachtiaj.

•   Xikita nopa video Tlauel kuali pampa timomachtis Biblia uan kiampa tikitas kenijkatsa tlamachtiaj Jehová itlajtoltemakauaj.

 Jehová itlajtoltemakauaj monechikouaj ompa ipan semana ipan Kali kampa mosentiliaj. Ipan nopa tlanechikoli, timomachtiaj Biblia uan tikijtouaj kenijkatsa uelis tijchiuasej ipan tonemilis.

 Nochi uelis yasej ipan nopa tlanechikoli; amo moneki tielis se tlen Jehová itlajtoltemakauaj tlaj tijneki tias. Uelis timonechikos ipan nopa kali o ipan videollamada.

•   Ipan nopa video ¿Tlake tijchiuaj ipan Kali kampa timosentiliaj?, tikitas se keski tlamantli tlen tijchiuaj kema timonechikouaj.

•   Xikita kampa kiijtoua “Tlanechikoli tlen Jehová itlajtoltemakauaj” uan kiampa tikitas kanke monechikouaj Jehová itlajtoltemakauaj nechka mochaj.

 Nikaj uelis tikitas miak tlamachtili uan videos tlen mitspaleuis tijmatis sekinok tlamantli tlen Jesús tlamachtik uan kenke tlauel ipati tlen kichijki.

 Se neskayotl, tlaj tijneki tijmatis kenijkatsa imikilis se tlakatl uelis kinpaleuis tlauel miakej maseualmej, xijpoua nopa tlamachtili “¿Kenijkatsa techmakixtia Jesús?” uan “¿Kenke Jesús tlaijiyouik uan mijki?” o xikita nopa video “¿Kenke mijki Jesús?”.