Jehová itlajtoltemakauaj moyakanaj ika toTeotsij iTlajtol kema kinpaleuiaj katli mosenkajtokej uan katli kinekij kiixpolosej nopa amatl kampa nesi mosenkajtokej. ToTeotsij kichijki se tlakatl ma mosenkaua iuaya se siuatl uan nochipa ma itstokaj sansejko. Ipan Biblia kiijtoua kena uelis kiixpolosej nopa amatl tlaj se tlen inijuantij kikajkayauaj inamik (Mateo 19:5, 6, 9).

 Kena. Nikaj nesi se keski tlamantli tlen ika tikinpaleuiaj:

•   Amatlajkuiloli. Nopa amatlajkuiloli tlen kichiuaj Jehová itlajtoltemakauaj kipia tlamachtili tlen kinpaleuia kuali ma itstokaj katli mosenkajtokej uan katli kinekij mokauasej. Xikita tlen kiijtoua nopa tlamachtili “Cómo fortalecer el sentido del compromiso en el matrimonio”, “Cómo perdonar” uan “Cómo recuperar la confianza perdida”.

•   Tlanechikoli. Ipan tlanechikoli uan ipan uejueyi tlanechikolistli kintlajtolmakaj ika Biblia katli mosenkajtokej.

•   Ueuejtlakamej. Ueuejtlakamej o katli kiyakanaj tlanechikoli kinpaleuiaj katli mosenkajtokej ika textos tlen uala ipan Biblia, kej Efesios 5:​22-​25.

 Amo. Maske ueuejtlakamej uelis kinpaleuisej katli mosenkajtokej ma kisenkauakaj kuesoli, amo uelis kiniljuisej tlake moneki kichiuasej (Gálatas 6:5). Tlaj se akajya amo kikajkayajtok inamik uan kineki kiixpolos nopa amatl kampa nesi mosenkajtok, amo uelis sampa mosenkauas (1 Timoteo 3:​1, 5, 12).

 Biblia kintlajtolmaka katli mosenkajtokej nochipa ma itstokaj sansejko maske kipiasej kuesoli (1 Corintios 7:​10-​16). Miak kuesoli uelis mosenkauas tlaj kiiljuisej Jehová ma kinpaleui, tlaj kichiuasej tlen Biblia tetlajtolmaka uan tlaj kinextisej moikneliaj (1 Corintios 13:​4-8; Gálatas 5:​22).

 Maske kiampa kiijtoua Biblia, se keskij Cristo itokilijkauaj mokajtokej, ¿kema kiampa kichijtokej?

•   Kema inamik amo kinmaka tlen kinpoloua ichampoyouaj (1 Timoteo 5:8).

•   Kema inamik tlauel kimakilia (Salmo 11:5).

•   Kema inamik amo kikaua ma kitekipano toTeotsij. Se neskayotl, uelis kichiualtia ma kiixpano toTeotsij itlanauatiljuaj. Nopa toikni katli tlaijiyouia uelis kiijtos tlaj kikauas inamik uan kiampa kineltokas “toTeko Dios achtoui uan axtlakamej” (Hechos 5:29).