¿Keyej moneki maj tikixmatikan Biblia?
¿Tikonitani tein kijtoua Biblia? Amo moajsitok nion se amaix maj noyampa momoyaua ijkon kemej Biblia. Noyampa taltikpak, tel miakej kiajsij yolseuilis uan nechialis itech itajtoluan, uan kintelpaleuia tayolmajxitilis tein kiualkui. Sayoj ke moajsij miakej tein amo keman kiixtajtoltianij. Uan sekin tein kipiaj imin taneltokalis oso amo, kiuelitaskia okachi kiixmatiskej Biblia. Komo tejuatsin tikonuelitaskia tikonchiuas nejon, nejin amaix mitsonpaleuis xikonpia se tanemilil tein kipia Biblia.
ACHTO ke peuas tikonixtajtoltis Biblia, semi kuali xikonixmati tepitsin. Nejin Tajkuilol tein no moixmati kemej iTajtol Dios, kipia 66 amaixmej, tein peua ika Génesis uan tami ika Apocalipsis oso Revelación.
¿Akoni itanemililuan tein ijkuiliujtok itech Biblia? Semi kuali komo timotajtaniaj nejin. Biblia, tein kipia 66 amaixmej kijkuilojkej 40 takamej uan uejkaujkej kemej 1,600 xiujmej. Sayoj ke nion se kijtoj ke yejua itech kisak tein kijkuiloj. Se tajkuilojkej kijtoj: “Nochi in Tajkuilolamatsitsin nochi yejuan Dios kichiuak ika ichikaualisuan” (2 Timoteo 3:16). Uan okse kijtoj: “Iespíritu Jiova kichiuak maj nitajto, uan itajtol yetoya itech nonenepil” (2 Samuel 23:2). Kemej tikitaj, tajkuilouanij kinextijkej ke Jiova Dios akin Ueyi Taixyekankej, yejuatsin Itanemililuan tein ijkuiliujtok itech Biblia. Ompa techiluia ke Jiova techmakatok porin kineki maj tikixmatikan.
No motelneki xikonmati katiyejua tema tein tayekantok itech Biblia. ¿Katiyejua nejin? Ke Dios kitaliti se iluikak tekiuajyot uan ijkon senkis moyekmatis uan moyeknextis ke sayoj yejuatsin kinamiki maj kinixyekana taltikpakneminij. Itech nejin amaix, tikonitas ke yejua nejon tema tein moita itech nochi Biblia, tein peua Génesis uan tami Apocalipsis.
Maj amo tikelkauakan nejin axkan ke tikitatij tein ika tajtoua Biblia, se amaix tein okachi moixmati.
^ párr. 9 Moajsi miak taman keniuj se kijtos fechas. Itech nejin amaix tikuitij tajtolmej achto itech totonaluan (a.i.t.), tein kijtosneki ke mochiuak achto ke ajsiskia xiuit 1. No tikuitij tajtolmej itech totonaluan (i.t.), tein kijtosneki ke mochiuak satepan ke panok xiuit 1. Nejin nesis tatsintan itech páginas ika abreviaturas.
Xa no tikonuelitas
TIAKONIMEJ
¿Keyej moneki timomachtiskej Biblia? (video tein ajsitok)
Biblia kinpaleuijtok tel miakej maj kiajsikan itanankililuan netajtanilmej tein okachi motelnekij. Timitsonyoleuaj xionmomachti touan Biblia.
