TAMACHTILIS 03
¿Uelis tikneltokaskej ox yekmelauj tein kijtoua Biblia?
Biblia techyolmajxitia uan kijtoua tein Dios kichiuas satepan. Xa tejuatsin tikonneki tikonmatis tein tamachtia, sayoj ke xa amo semi tikonneltoka tein kijtoua. ¿Uelis tikneltokaskej ke mochiuas tein kijtoua maski uejkaujya moijkuiloj? ¿Yekmelauj techpaleuia Biblia maj tiyolpakikan axkan uan satepan? Millones kijtouaj ke kemaj. Tejuatsin uelis tikonitas keyej ijkon kijtouaj uan ox uelis tikonneltokas.
1. ¿Yekmelauj mochiuak tein ika tajtoua Biblia?
Biblia kijtoua ke kipia “tajtolmej tein melauak” (Eclesiastés 12:10). Kijtoua tein mochiuak uan ininka tajtoua akin nenkej ne uejkauj (xikonita Lucas 1:3 uan 3:1, 2). Keman Biblia ininka tajtoua sekin, tonalmej, kampa panok uan tein mochiuak, miakej tatemouanij uan motelmachtianij kiitanij ke ijkon mochiuak.
2. ¿Keyej tikneltokaj tein Biblia kijtoua maski uejkaujya moijkuiloj?
Biblia kijtoua miak taman tein ayamo moixmatia keman moijkuiloj. Maski taixmatinij miak taman kinemiliayaj keman moijkuiloj, tein axkan kiajsinij kinextia ke tein kijtoua Biblia amo mopoloua porin “takuaujtamach, axkan uan nochipaya” (Salmo 111:8).
3. ¿Keyej titakuaujtamatij ke mochiuas tein Biblia kijtoua?
Biblia achtook kijtojka sekin taman “tein ayamo mochiua” (Isaías 46:10). Seki taman tein mochiuakya, moijtoj miak xiujmej achto ke panoskia. Uan no, moijtoj keniuj tinemiskiaj axkan. Itech nejin tamachtilis tikitaskej tein Biblia kijtojka ke mochiuaskia uan keniuj mochiuak.
MAJ OKACHI TIMOMACHTIKAN
Maj tikitakan keniuj tein kiajsinij taixmatinij no yejua tein Biblia tamachtia. Uan maj tikitakan seki taman tein achtook moijtojka ke mochiuaskia.
4. Tein kiajsinij taixmatinij kinextia ke yekmelauj tein kijtoua Biblia
Miak xiujmejya, miakej kinemiliayaj ke taltikpak yetoya itech teisa. Xikitakan VIDEO.
Xikonita tein kijtoua amatajkuilol Job tein moijkuiloj kemej 3,500 xiujmejya. Xikitakan Job 26:7 uan ika xitajtokan nejin:
-
¿Keyej se kimoujkaita maj Biblia uejkaujya kijtouani ke taltikpak moajsi ejekaixko?
Ayamo semi uejkauj, kemej 200 xiujmej moajsikamatik keniuj ueli kioui. Sayoj ke, xikonita tein semi uejkaujya moijkuiloj itech Biblia. Xikitakan Job 36:27, 28 uan ika xitajtokan nejin:
-
¿Keniuj tikonita tein nikan kimelaua?
-
Textos tein tikitakejya, ¿mitsonpaleuia okachi xikonneltoka tein kijtoua Biblia?
5. Biblia kijtojka ke mochiuaskia seki taman
Xikitakan Isaías 44:27–45:2 uan ika xitajtokan nejin:
-
¿Toni moijtojka ke kipanoskia Babilonia 200 xiujmej achto?
Itech xiuit 539 achto itech totonaluan (a.i.t), a Ciro akin tekiuajtia Persia uan itateuijkauan moaxkatilijkej Babilonia. Oksekopa kiojtijkej at tein kiyoualojtoya altepet uan kemej tatapotoya, amo monekik moteuiskej keman kalakkej uan uelik moaxkatilijkej. Nejon mochiuak kemej 2,500 xiujmejya uan hasta axkan amo akin nemiok. Xikonita tein achtook moijtojka itech Biblia.
Xikitakan Isaías 13:19, 20 uan ika xitajtokan nejin:
-
¿Keniuj mochiuak tein nikan moijtoua?
Babilonia sayoj moajsi tepamit taxitinil ompa Irak.
6. Biblia kijtojka tein axkan mochiuaskia
Biblia kijtoua ke tinemij itech “itamian tonalmej” (2 Timoteo 3:1, TNM). Xikonita toni kijtojka ke mochiuaskia.
Xikitakan Mateo 24:6, 7 uan ika xitajtokan nejin:
-
¿Toni mochiuaskia itech nejin tonalmej?
Xikitakan 2 Timoteo 3:1-5 uan ika xitajtokan nejin:
-
¿Toni kijtoua nikan ke miakej kichiuaskiaj itech nejin tonalmej?
-
¿Toni tikonita ke mochiujtokya?
TEIN SEKIN KIJTOUAJ: “Biblia sayoj kijtoua tein kinemiliaj takamej”.
-
¿Toni kichiua okachi xikonneltoka ke yekmelauj tein kijtoua Biblia?
TEIN TIKITAKEJ
Tein momachtiaj taixmatinij, tein panok uan tein moijtojka ke mochiuaskia, kinextia ke uelis tikneltokaskej tein Biblia kijtoua.
Maj tikelnamikikan
-
Tein kijtoua Biblia, ¿yekmelauj mochiuak oso sayoj moijtoua?
-
¿Toni tein kiajsinij taixmatinij no ika tajtoua Biblia?
-
¿Tikonneltoka ke Biblia kijtoua tein mochiuas satepan? ¿Toni kichiua xikonnemili nejon?
NO XIKONITA NEJIN
¿Mouika tein kiajsinij taixmatinij uan tein tamachtia Biblia?
“¿Concuerda la Biblia con lo que ha descubierto la ciencia?” (Artículo de jw.org)
¿Toni kinextia ke tinemij itech “itamian tonalmej”?
“Seis profecías bíblicas en pleno cumplimiento” (La Atalaya, 1 de mayo de 2011)
Xikonita keniuj mochiuak tein moijtojka ke kinpanoskia akin tekiuajtiaj Grecia.
Xikonita keniuj tein achtook moijtojka ke mochiuaskia kipaleuij se takat maj kineltoka Biblia.
“Amo nikneltokaya Dios” (Tanejmachtijkej, tapoual 5 xiuit 2017)
a Achto itech totonaluan (a.i.t), kijtosneki achto ke ualaskia Jesús.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
