Kualkampa lunes 10 de octubre de 2022, akin nemij Rusia kitamotkej seki misiles oso seki teposmej tein taixpolouaj itech seki xolalmej ompa Ucrania. Ika nejon momakepkej porin ome tonal achto tatoponijkej uan xitinik se ueyi puente tein ika monamikij Crimea uan Rusia. Tepitsin achto, seki políticos tanejmachtijkaj ke amo uejkaua peuati Armagedón.

•   “Desde itonaluan Kennedy akin tekiuajtik ompa Estados Unidos uan keman Cuba uan okseki altepemej moteuijkej, amo keman ijkon moitstoya ke peuatiya Armagedón. [...] Amo nikneltoka maj amo peua Armagedón komo kikuitokej teposmej tein taixpolouaj” (Joe Biden, akin tekiuajti Estados Unidos, 6 de octubre de 2022).

•   “Nikita ke nejin yejua Armagedón; uelis taijtakos itech nochi taltikpak” (ijkon kijtoj Volodímir Zelenski, akin tekiuajti Ucrania, keman kitajtanijkej toni ueliskia mochiuas porin mokui teposmej tein taixpolouaj; BBC News, 8 de octubre de 2022).

 Kemej mokuitok nejon teposmej tein taixpolouaj, ¿uelis kichiuas maj peua Armagedón? ¿Toni kijtoua Biblia?

 Amo. Tajtol Armagedón sayoj sepa nesi itech Biblia, itech Apocalipsis 16:16. Uan amo kijtosneki neteuilis tein kipeualtiskej itech seki altepemej iniuan akin nemij itech okseki altepemej, ta nejin yeski keman Dios moteuis iniuan “akin tekiuajtij itech nochi taltikpak” (Apocalipsis 16:14). Itech nejin neteuilis Armagedón, Dios kinixpolos nochin taltikpaktekiuanij (Daniel 2:44).

 Para tikonmatis toni kipanos taltikpak keman mochiuas Armagedón, xikonlero tamachtilis ¿Qué es el Armagedón?

 Amo. Maski taltikpaktekiuanij ueliskia kikuiskej nejon teposmej tein taixpolouaj, Dios amo kikauas maj taltikpak ixpoliui. Biblia kijtoua:

•   “Taltikpak nochipaya yetos” (Eclesiastés 1:4).

•   “Akin yolmelaujkej ininaxkatis taltikpak uan ompa nemiskej nochipaya” (Salmo 37:29).

 Sayoj ke tein Biblia kijtojka ke mochiuaskia uan tein mochiujtok axkan kinextia ke amo uejkaua mopatati miak taman nikan taltikpak (Mateo 24:3-7; 2 Timoteo 3:1-5). Uelis timitsonmachtiskej ika Biblia tein amo moneki tikonixtauas uan ijkon tikonmatis tein Biblia kijtoua ke mochiuati amo uejkaua.