24 de febrero 2022 san kualkan, altepetl Rusia okiteuito altepetl Ucrania, maski miakej akinmej tlayekanaj itech nochi tlaltikpak omochijchikajkej amo ijkon ma pano. ¿Tlen uelis panos itech nochi tlaltikpak ika nin guerra? António Guterres ye kajki ken secretario general itech Naciones Unidas, okijto “amo uelis timokuayejyekoskej” ken sapanoua titlajyouiskej tla peuaj mokualaniaj, noijki Europa uan itech nochi tlaltikpak ayakmo kuali yetoskej.

•   Jesucristo okijto “se país momakas iwa n ok se, iwa se altepetl momakas iwa n ok se” (Mateo 24:7). Xiktlajtolti “¿Cuál es la señal de ‘los últimos días’ o de ‘los tiempos finales’?” ompa tikitas melauak mochijtok tlen ijkuilitok itech Biblia uan nin profecía okijto Jesús.

•   Itech amochtli Apocalipsis kijtoua guerra yetoskia ken se tlakatl tlen yaui ipan se caballo “chichiltik” uan kichiua amo ma yeto yolseuilistli (Apocalipsis 6:4). Para okachi tikmatis, xiktlajtolti “¿Qué representan los jinetes del Apocalipsis?” uan xikita tleka guerras tlen axkan mochijtok mouika ika tlen kijtoua profecía.

•   Itech amochtli Daniel techiluia “tekiua tlen kajki norte” uan “tekiua tlen kajki sur” mokokoliskiaj (Daniel 11:25-45). Xikita video Mochijtok tlen kijtoua Daniel 11 para tikajsikamatis tleka Rusia uan akinmej kipaleuiaj moixmatij ken tekiua tlen kajki norte. a

•   Amochtli Apocalipsis noijki techiluia ‘motekilmakaskeh iwa n Dios nochi weletini itech neká weyi tonati non Ye yokitlali’ (Apocalipsis 16:14, 16). Nin guerra amo yetos ken tlen axkan panotok. Xiktlajtolti “¿Tlen kijtosneki Armagedón?” para tikmatis ken mochiuas nin guerra.

•   Biblia kijtouaj toTajtsin Dios kitlajtlamis “guerras itech nochi tlaltikpak” (Salmo 46:9). Xiktlajtolti “La esperanza real de un mañana mejor” para tikmatis tlen okachi kichiuas toTajtsin Dios.

•   Jesús okinmachti imachtijkauan ma kitlajtlanikan ma uiki iTekiuajkayo toTajtsin Dios (Mateo 6:9, 10, TNM). Non Tekiuajkayotl kajki iluikak uan kichiuas tlen kineki toTajtsin Dios ipan tlaltikpak. ToTajtsin Dios kineki ma yeto paz mundial. Xikita video ¿Tlen iTekiuajkayo toTajtsin Dios? para tikmatis ken uelis mitspaleuis nin Tekiuajkayotl.

 Ompa Ucrania katej kanaj 129.000 (ciento veintinueve mil) iTlaixpantijkauan Jehová. Nochtin yejuan kichiuaj ken Cristo, ik non, iTlaixpantijkauan Jehová amo mokajkalakiaj itech política uan noijki amo yauij guerra (Juan 18:36). Itech nochi tlaltikpak, iTlaixpantijkauan Jehová tetlapouiaj “kuali tlajtolmej itech Tekiuajkayotl”. Kitematiltiaj ken kipojpolos toTajtsin Dios nochi tlen techtlajyouiltia, nin kijtosneki ayakmo yetos guerra (Mateo 24:14, TNM). Timitsyoleuaj xiktlajtlani ikaj ma mitstlajpaloti para tikmatis tlen kijtoua Biblia kuali panos satepan.