Akinmej chantij Rusia okinkajkajkej miak bombas ompa Ucrania, ijkon opanok Lunes 10 de octubre 2022. Ijkon okichijkej porque ome tonal achto akinmej chantij Ucrania okikajkajkej se bomba tlen okixixini se puente tlen okatka ik Crimea uan Rusia. Sekimej tekiuajkej yokijtojkaj yiualaskia Armagedón.

•   Itech 6 de octubre 2022, presidente Joe Biden tlen kajki Estados Unidos okijto: “Axkan okachi yiajsitok tonal ijkuak uits Armagedón, amo ken ijkuak otlanauati Kennedy uan ijkuak Cuba omoteui inmiuan okseki altepemej. [...] Tla tikinkajkauaj bombas uelis tikchiuaskej mapeua Armagedón”.

•   Itech 8 de octubre 2022, presidente Volodímir Zelenski tlen kajki Ucrania okijto tlen mokuayejyekoua ijkuak okitlajtlanijkej tlen uelis panos tla kinkajkauaj bombas, ye okijto: “Nimokuayejyekoua Armagedón san niman uelis kijtlakos nochi tlaltikpak” (BBC News).

 ¿San niman peuas Armagedón tla kinkajkauaj bombas? ¿Tlen kijtoua Biblia?

 Amo. Itech Apocalipsis 16:16 nesi tlajtoli Armagedón uan san se uelta kajki itech Biblia. Armagedón amo kijtosneki moteuiskej altepemej, kijtosneki ijkuak toTajtsin Dios kinteuis ‘wejweyi reyes non tlanawatijtokeh’ (Apocalipsis 16:14). ToTajtsin Dios kinpojpolos nochtin tekiuajkej ika Armagedón (Daniel 2:44).

 Tla tikneki tikmatis tlen kipanos tlaltikpak ijkuak uits Armagedón, xiktlajtolti ¿Tlen kijtosneki Armagedón?

 Amo. Xamo tekiuajkej tlanauatiskej makinkajkauakan bombas pero toTajtsin Dios amo kitekauilis makipojpolokan tlaltikpak. Biblia kijtoua:

•   “Tlaltikpak nochipa yetos” (Eclesiastés 1:4).

•   “Yolmelauakej yetoskej tlaltikpak uan nochipa itech chantiskej” (Salmo 37:29).

 Profecías tlen kijtoua Biblia uan tlen panotok kiteititia panos seki tlamantli miak ipati (Mateo 24:3-7; 2 Timoteo 3:1-5). Xikita ken kijtoua Biblia tiyetoskej satepan, uelis tikmatis tla timomachtis Biblia.