Tekitl tlen tikchiuaj mochiua ika tomin tlen kitemakaj iTlaixpantijkauan Jehová ika nochi inyolo. a Tla ikaj kinekis kitemakas seki tomin ika nochi iyolo, uelis kichiuas, uelis kitlalis itech se caja tlen kajki itech kalmej kanin timonechikouaj noso noijki uelis tiktemakas ijkon ken kijtoua itech página tlen tikpiaj itech internet jw.org. Akin kitemakas tomin uelis kipejpenas tla kineki kitemakas para mamotekitilti itech tekitl tlen mochiua itech nochi Tlaltikpak, noso para mamotekitilti itech kali kanin timonechikouaj.

 Nion se iTlaixpantijka Jehová amo kitlajtlaniliaj tomin. Noijki amikaj techiluia matiktemakakan diezmo (2 Corintios 9:7). Amo keman motlajtlani tomin itech tonechikoluan. Achto, itech toreligión amo kajki se tlayekanki tlen moneki tiktlaxtlauiskej. Amikaj kitlajtlani tomin ijkuak kinapolaktiaj, ijkuak ikaj ixpoliui, ijkuak ikaj monamiktia noso okseki tlamantli. Amo tiknemakaj tlakuali para tiknechikoskej tomin. Noijki amo tikinchiuaj ferias, rifas, amo timauiltiaj ika loteria nion amo tikchiuaj tlakuali para tiktlaniskej tomin, noijki amo tiklajtanij tomin. Uan amo tikijtouaj akin okitemakak tomin (Mateo 6:2-4). Tlen tikpiaj itech página oficial uan itech toamatlajkuiloluan amo tiknemakaj.

 Sejse metstli itech nochi tlanechikolmej kinmiluiaj nochtin kech tomin onka uan ijkon uelis kitaskej kech onka. Noijki akin kipia tomin moneki kitaskej ken kitekitiltijtok uan ijkon kuali motekitiltia (2 Corintios 8:20, 21).

•   Cajas tlen katej kanin timonechikouaj: Uelis tiktlalis tomin noso se cheque itech cajas tlen katej kanin monechikouaj iTlaixpantijkauan Jehová noso itech kali kanin mochiuaj uejyeyij nechikolmej.

•   Tiktemakas tomin itech internet: Itech miakej altepemej uelis tiktemakas tomin itech página donate.pr2711.com, uelis tiktemakas ika tarjeta de crédito noso débito, uelis tikchiuas se transferencia noso uelis tixelouaj okseki tlamantli. b Sekimej iTlaixpantijkauan Jehová sejse metstli kixelouaj seki tomin uan kitemakaj ika nochi inyolo. Kitekitiltiaj tlamantli tlen yomoijto (1 Corintios 16:2).

•   Tomin tlen satepan tiktemakas: Tla tikneki tiktemakas seki tomin moneki timokuayejyekos ken uelis tikchiuas uan moneki mitspaleuiskej para tikmatis ken tikchiuas. Ijkon uelis tikchiuas ken tlanauatia Hacienda Pública tlen kajki itech moaltepe. Miakej yokinpaleui kitaskej ken uelis kitemakaskej tlen kipiaj para tlapaleuiskej ijkuak ok yoltokej noso ken motekitiltis tlen kipiaj ijkuak ixpoliuiskej. Uelis titlanotsas kanin tekitij iTlaixpantijkauan Jehová, ijkon tikmatis tlen moneki tikchiuas para tiktemakas tlen tikpia uan ken uelis tiktekitiltis:

  •   cuentas bancarias

  •   seguros y planes de jubilación

  •   bienes raíces

  •   acciones y bonos

  •   testamentos y fideicomisos

 Tla tikneki tikmatis ken uelis tiktemakas tomin ika nochi moyolo, xikita página donate.pr2711.com