¿Moneki nimochiuas niiTlaixpantijka Jehová tla nimomachtis Biblia?
Amo. Amo moneki timochiuas tiiTlaixpantijka Jehová. Miakej touan momachtiaj pero amo mochiuaj iTlaixpantijkauan Jehová. a Tejuan titlamachtiaj porque tiknekij xikmati tlen tlamachtia Biblia. Tejuatsin tikpejpenas tlen tikchiuas ijkuak okachi timomachtijtias. Tejuatsin tikmati tlen religión tikpias (Josué 24:15).
¿Uelis niknejnekis noBiblia ijkuak nimomachtis?
Kema. Pero tejuan okachi techpaktia timomachtiskej ika Traducción del Nuevo Mundo. Tla tejuatsin tikneki, uelis timitsmakaskej se Biblia uan amitlaj tiktlaxtlauas. Pero noijki uelis timomachtis ika moBiblia. Uelis tikmatis tlen kichiuas toTajtsin Dios uan ken uelis timomakixtis maski san tlen Biblia tikpias.
¿Tleka nankinmachtiaj oksekimej maski amo mochiuaj iTlaixpantijkauan Jehová?
Porque tiktlasojtlaj Jehová uan ye kineki matikinmachtikan oksekimej (Mateo 22:37, 38; 28:19, 20, TNM). Tejuan sapanoua tikpatioitaj tiyetoskej “titlapalewijkeh itech iteki Dios” uan noijki tikpatioitaj tikinmachtiskej oksekimej (1 Corintios 3:6-9).
Noijki titlamachtiaj porque tikintlasojtlaj oksekimej (Mateo 22:39). Techpaktia tikintlapouiskej oksekimej tlen yotimomachtijkej (Hechos 20:35, TNM).
a Tiknekij timitsiluiskej 2023 otikinmachtijkej sejse metstli kanaj 7,281,212. Ualeua miakej san sekan momachtiaj. Pero kanaj 269,517 omoapolaktijkej uan ijkon omochijkej iTlaixpantijkauan Jehová.
Xamo noijki mitspaktis
TLEN MIAKEJ MOTLAJTLANIAJ
¿Tlen kineltokaj iTlaixpantijkauan Jehová?
Kineltokaj 15 tlamantli tlen miak ipati.
ITECH TEJUAN
¿Ken tikchiuaj se tlamachtil ika Biblia?
Itech nochi Tlaltikpak iTlaixpantijkauan Jehová moixmatij pampa tlamachtiaj ika Biblia. Xikita ken mochiua se tlamachtil.
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
