IHubo 147:1-20
147 Dumisani uJah!*
Kuhle ukuhlabela sidumisa uNkulunkulu wethu,Kumnandi njalo nguye okufanele adunyiswe!+
2 UJehova uyayakha iJerusalema,+Uyabaqoqa abako-Israyeli abasabaleleyo.+
3 Uyabelapha abalenhliziyo ezidabukileyo,Abophe amanxeba abo.
4 Ubala izinkanyezi,Zonke azibize ngamabizo azo.+
5 INkosi yethu inkulu njalo ilamandla amakhulu,+Ukuzwisisa kwayo akulamkhawulo.+
6 UJehova uyabaphakamisa abamnene,+Kodwa abenza okubi ubaphosela phansi.
7 Hlabelelani uJehova limbonge,Hlabelelani uNkulunkulu wethu limdumise litshaya amahabhu,*
8 Lowo owembesa amazulu ngamayezi,Enze izulu line emhlabeni,+Lotshani bumile+ ezintabeni.
9 Unika izinyamazana ukudla,+Anike lamaphuphu ewabayi ukudla nxa ekukhalela.+
10 Kathokoziswa ngamandla ebhiza,+Njalo kajatshuliswa yikuqina kwenyawo zomuntu.+
11 UJehova uthokoziswa yilabo abamesabayo,+Uyathokoza ngalabo abalindele uthando lwakhe oluqotho.+
12 Khazimulisa uJehova, awu Jerusalema.
Dumisa uNkulunkulu wakho, wena Ziyoni.
13 Wenza imigoqo yamagedi edolobho lakho iqine,Uyawabusisa amadodana akho.
14 Wenza indawo yakho ibe lokuthula,+Ukunika ingqoloyi enengi enhle kakhulu.+
15 Uthumela umlayo wakhe emhlabeni,Ilizwi lakhe lihamba ngesiqubu esikhulu.
16 Wembesa umhlaba ngongqwaqwane kube angathi yingubo emhlophe,+Ahaze iliqhwa njengomlotha.+
17 Unisa amatshe esiqhotho angathi zimvuthu zesinkwa.+
Ngubani ongawumela umqando ovela kuye?+
18 Uthumela ilizwi lakhe kuncibilike ungqwaqwane.
Wenza kuvunguze umoya,+ amanzi ageleze.
19 Umemezela ilizwi lakhe kuJakhobe,Atshele u-Israyeli imilayo lezahlulelo zakhe.+
20 Lokhu kazange akwenze kuloba yisiphi esinye isizwe,+Izizwe kazazi lutho ngezahlulelo zakhe.
Dumisani uJah!*+
Amabala angaphansi
^ Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
^ Ihabhu lichacho elilentambo ezifanana lezekatali.
^ Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
