INgoma Yezingoma 3:1-11
3 “Ngithe ngisembhedeni wami ebusuku,Ngadinga isthandwa sami.*+
Ngisidingile kodwa angisitholanga.+
2 Ngizavuka ngibhodabhode edolobheni;Ngiyedinga isthandwa sami,*Emigwaqweni lasemagcekeni edolobho,
Ngisidingile kodwa angisitholanga.
3 Ngatholwa ngabalindi ababhoda edolobheni+ ngababuza ngathi,
‘Alizange libone isthandwa sami* yini?’
4 Ngathi ngisanda kubadlula nje,Ngasibona isthandwa sami.*
Ngasibamba ngasigagadlela, angivumanga ukuthi sihambe,Ngaze ngasingenisa endlini kamama+Ekamelweni elingaphakathi lalowo owangizalayo.
5 Ngiyalifungisa lina madodakazi aseJerusalema,Ngempala langempalakazi zeganga ngithi:
Lingazami ukuvusa uthando kimi luze luzivukele lodwa.”+
6 “Kuyini lokhu okuqubuka kuvela enkangala njengamayezi entuthu,Okufakwe imure enukelela kamnandi lenhlaka yokwenza impepha,Lawo wonke amakha anukelelayo omuntu othengisayo?”+
7 “Khangela! Lisofa likaSolomoni.
Ligonjolozelwe ngamadoda alamandla angu-60,Amadoda ako-Israyeli alamandla.+
8 Wonke ahlome ngenkemba,Wonke afundisiwe ukulwa impi,Ngayinye ifake inkemba yayo ekhalweniUkuze ihlasele nxa kungavela ingozi zebusuku.”
9 “Yisihlalo* sesikhosini seNkosi uSolomoni,Eyazenzela sona ngezihlahla zeLebhanoni.+
10 Insika* zaso yazenza ngesiliva,Izisekelo zaso ngegolide.
Indawo yaso yokuhlala yenziwe ngewulu eyibubende,*Ingaphakathi yaso yaceciswa kuhleNgamadodakazi aseJerusalema.”
11 “Awu madodakazi aseZiyoni, phumani,Libone iNkosi uSolomoni,Igqoke umqhele womtshado eyawenzelwa ngunina,+Ngelanga layo lomtshado,Ngelanga lokuthokoza kwenhliziyo yayo.”
Amabala angaphansi
^ Kumbe, “lowo othandwa ngumphefumulo wami.”
^ Kumbe, “lowo othandwa ngumphefumulo wami.”
^ Kumbe, “lowo othandwa ngumphefumulo wami.”
^ Kumbe, “Ngamthola lowo othandwa ngumphefumulo wami.”
^ Leli kwakulisofa elalisetshenziswa ukuthwala umuntu ongumhlonitshwa.
^ Kungenzakala ukuthi lezi kwakuzinsika ezisekele uphahla.
^ NgesiNgisi umbala oyibubende yi-purple.
