IZaga 4:1-27
4 Madodana ami, lalelani nxa uyihlo elilaya,+Lilalelisise ukuze lithole ukuzwisisa,
2 Ngoba ngizalifundisa okuhle;Lingakutshiyi engilifundisa khona.*+
3 Ngangiyindodana eqotho kubaba,+Lomama wayengithanda kakhulu.+
4 Ubaba wangifundisa wathi: “Inhliziyo yakho kayibambelele emazwini ami.+
Gcina imithetho yami uqhubeke uphila.+
5 Zuza ukuhlakanipha, uzuze lokuzwisisa.+
Ungaphambuki kulokhu engikutshoyo njalo ungakukhohlwa.
6 Ungakulahli kuzakuvikela.
Kuthande, kuzakulinda.
7 Ukuhlakanipha kuqakatheke kakhulu,*+ yikho zuza ukuhlakanipha,Kukho konke ongakuzuza, zuza ukuzwisisa.+
8 Kuqakathekise kakhulu, kuzakuphakamisa.+
Kugone,+ kuzakunika udumo.
9 Kuzakugqokisa umceciso obukekayo ekhanda,Kukwethese umqhele wobuhle.”
10 Lalela ndodana yami, wamukele amazwi ami,Ungenza njalo uzaphila iminyaka eminengi.+
11 Ngizakufundisa indlela yokuhlakanipha;+Ngikukhokhele ezindleleni zokuthembeka.+
12 Inyawo zakho azisoze zivinjelwe nxa uhamba,Awusoze ukhubeke nxa ugijima.
13 Kugagadlele ukulaywa; ungakuyekeli.+
Kugcine ngoba kuyimpilo yakho.+
14 Ungangeni endleleni yababi,Njalo ungahambi endleleni yabaxhwalileyo.+
15 Ungasondeli kuyo, ungahambi ngayo,+Ungalugxobi kuyo, yikhekheleze.+
16 Phela abalali nxa bengenzanga okubi.
Ubuthongo babo kabubuyi nxa bengalimazanga muntu.
17 Badla isinkwa sokuxhwala,Banathe lewayini lodlakela.
18 Kodwa indlela yabalungileyo injengokukhanya kokusa,Okuqhubeka kusengezeleleka kuze kube semini enkulu.+
19 Indlela yababi injengobumnyama,Abakwazi okubenza bakhubeke.
20 Ndodana yami, zwana amazwi ami;Lalelisisa engikutshoyo.*
21 Ungasusi amehlo akho ezintweni lezi,Zigcine enhliziyweni* yakho,+
22 Ngoba ziyimpilo kwabazitholayo+Njalo ziyimpilakahle emizimbeni yabo.
23 Kuzo zonke izinto ozilindayo, linda inhliziyo yakho,+Ngoba kuyo kulemithombo yokuphila.
24 Susa inkulumo etshekileyo eduze kwakho,+Uxotshele khatshana amazwi obuqili.
25 Amehlo akho kumele akhangele phambili,Uwathi nhlo phambi kwakho.+
26 Lungisa indlela yenyawo zakho ibenhle,+Lokho kuzakwenza zonke izindlela zakho ziqine.
27 Ungaphambukeli kwesokudla loba kwesenxele.+
Susa inyawo zakho kokubi.
Amabala angaphansi
^ Kumbe, “Lingawutshiyi umthetho wami.”
^ Kumbe, “kuyisiqokoqela.”
^ Kumbe, “Thiya indlebe uzwe.”
^ Kumbe, “ekujuleni kwenhliziyo.”
