HLALA ULINDILE!
Kambe Yonke Imihlobo Yabantu Izake Iphathwe Ngendlela Efananayo Yini?—IBhayibhili Lithini?
Abantu abanengi bayafisa ukuthi yonke imihlobo yabantu iphathwe ngendlela efananayo kodwa lokhu akwenzakali.
“Ubandlululo lubhahile emhlabeni wonke, luhlasela inhlanganiso ezitshiyeneyo futhi lwenza abantu badabukane phakathi emphakathini. Ubandlululo yilo olwenza abantu bangaphathani kuhle.”—U-António Guterres, unobhala jikelele we-United Nations.
UNkulunkulu ubabona njani abantu bemihlobo etshiyeneyo?
IBhayibhili liyasitshela ukuthi uNkulunkulu ubabona njani abantu bemihlobo etshiyeneyo.
“Ngomuntu oyedwa [uNkulunkulu] wenza zonke izizwe zabantu ukuze zihlale emhlabeni wonke.”—Imis 17:26.
“UNkulunkulu kakhethi kodwa kuzo zonke izizwe, uyamamukela umuntu omesabayo futhi owenza okulungileyo.”—Imis 10:34, 35.
IBhayibhili litshengisa ukuthi bonke abantu bavela emuntwini oyedwa lokuthi uNkulunkulu uthanda yonke imihlobo yabantu.
Ubandlululo luzaphela njani?
Ubandlululo luzaqedwa nguMbuso kaNkulunkulu, okutsho uhulumende wakhe osezulwini. UMbuso lo uzancedisa abantu ukuthi baphathane kuhle. Uzabancedisa lokuthi balwisane laloba yiluphi ubandlululo abangabe belalo.
‘Izakhamizi zelizwe zizafunda ukulunga.’—Isy 26:9.
“Ukulunga kweqiniso kuzaletha ukuthula. Isithelo sokulunga kweqiniso sizakuba yikuthula okungapheliyo lokuvikeleka.”—Isy 32:17.
IBhayibhili selincede abantu abanengi lamuhla ukuthi bafunde ukuphatha abanye ngenhlonipho.
Ukuze ufunde okunengi bala i-Vukani! elesihloko esithi “Kuyini Okungaqeda Ubandlululo?”
Bala isihloko esithi “Talking to Children About Racism” ukuze ubone ukuthi abazali bangabancedisa njani abantwababo endabeni le.
Nanku Okunye
ESSENTIAL BIBLE TEACHINGS
Uyini UMbuso KaNkulunkulu?
Ngesikhathi esemhlabeni uJesu wakhuluma kanengi ngoMbuso kaNkulunkulu. Sekuleminyaka eminengi abalandeli bakhe bethandazela ukuthi uMbuso lo ubuye.
IBHAYIBHILI LIYAMNTSHINTSHA UMUNTU
Ngangifuna Ukuqeda Ubandlululo
URafika wajoyina iqembu elalifuna ukuqeda ukungaphathwa kuhle kwabantu. Kodwa wafunda eBhayibhilini ukuthi nguMbuso kaNkulunkulu kuphela ongaqeda ubandlululo njalo ulethe ukuthula.
INQABAYOKULINDA
Umhlaba Ongelabandlululo—Nini?
Okwenzakalayo kwabanye abantu kutshengisa ukuthi iBhayibhili libanceda njani ukuthi banqobe ubandlululo. Luzaqedwa nini lungaphindi lube khona?
Ezinye Izihloko
Ithemba Elimayelana Lekusasa Elingcono
Kuyini okwenza izithembiso eziseBhayibhilini zingafanani lezithembiso leziphrofetho ezenziwa ngabantu?
OKUMAYELANA LATHI
Cela Ukuthi Omunye Wethu Akuvakatshele
Xoxa ngezinto ezitshiyeneyo eziphathelane leBhayibhili kumbe ufunde okunengi ngaboFakazi bakaJehova.
