Isaya 2:1-22
2 Zvakavoneka ndi Isaya mwana wa Amozi ngo pamusoro po Judha no Jerusarema nga izvi:
2 Mu njiku jo kupejisira,Dundhu ro nyumba ya JehovhaRinozovangiswa panyezuru po matundhu,Irona rinozoreba kupinda zvimatundhu,Majinja ese anozoenda kwariri.
3 Vandhu vazinji vanozoenda vecinanga kudari:
“Viyanyi, ngatikhwire pa dundhu ra Jehovha,Ku nyumba ya Mwari wa Jakobe.
Iyena anozotijijisa makwanja ake,Itusu tinozofambemo.”
Ngokuti mu Ziyoni munozobuda mutemo,Mu Jerusarema munozobuda soko ra Jehovha.
4 Iyena anozotonga pakati po majinjaAnozotonga ndava kuti abesere vandhu vazinji.
Vanozopfura mapanga avo vomaita sharuwaMukhondo* javo vojiita sikeyo.
Jinja arizomukiri jinja rimweni ngo banga,Avazojijizve kuita hondo.
5 Viyanyi, imwimwi vo nyumba ya Jakobe,Ngatifambe mu ruvheneko hwa Jehovha.
6 Imwimwi makasiya vandhu venyu vo nyumba ya Jakobe,Ngokuti nyika yavo yazara ngo zviro zvo kumavhazuva;Vanoita zvo masaramuso inga Vafiristi,Pakati pavo, pano vana vazinji vo nyikanja.
7 Nyika yavo yakazara ngo sirivha no goridhi,Upfumi hwavo ahuperi.
Nyika yavo yakazara ngo haci,Ngoro* javo ajiperi.
8 Nyika yavo yakazara ngo zvimwari zvicikabesi ciro.
Ivona vanonamata zvithombe zvavakaita vega,Zviro zvakaizwa ngo nyara javo.
9 Ngo kudaro, mundhu anozododokeswa wozopejwa,Azviitiki kuti muvaregerere.
10 Nghwinai mu buwe, ufindare mu bukutaNgo ndava yo kuviya kunothyisa kwa JehovhaNo kukura ko ukuru hwake.
11 Majiso o vandhu vanozvikuja anozododokeswa,Vandhu vanodada vanozododokeswa.
Jehovha basi ndiyena anozokujwa pa njiku yondhoyo.
12 Ngokuti iyi, injiku ya Jehovha wo hondo.
Inozowira vandhu vese vanozvikuja no vanozvikukumuja,Vandhu vese kamare, azvinenyi dangani wakakhwirira kana kuti wakaderera,
13 Panyezuru po muti yese yo sedhro yo ku Rebhanoni, yakareba no yakakhwiriraNo panyezuru po muti yese yo mutondo yo ku Bhashani,
14 Panyezuru po matundhu ese akarebaNo panyezuru po zvimatundhu zvese zvakakhwirira,
15 Panyezuru po ndau jese jakakhwirira no panyezuru po mupfimbiji jese jakavangiswa,
16 Panyezuru po piketi jese jo ku TarishishiNo panyezuru po ngarava jese jakanaka.
17 Vandhu vanozvikuja vanozododokeswa,Vandhu vanodada vanozododokeswa.
Jehovha basi ndiyena anozokujwa pa njiku yondhoyo.
18 Zvimwari zvicikabesi ciro zvinozongara-ngara kamare.
19 Vandhu vanozonghwina mu mapako o mapuweNo mumarindi o pasi,Ngo ndava yo kuviya kunothyisa kwa JehovhaNo kukura ko ukuru hwakePa njiku yaanozomuka kuti atetemerese nyika ngo kuthya.
20 Pa njiku yondhoyo, vandhu vanozotora zvimwari zvavo zvo sirivha no zvo goridhi zvicikabesi ciroZvavakaita kuti vazvinamateVozvikhandira kuno mbeva no kuzvinyakathonje,
21 Vanozonghwina mu mapako o mapuweNo mumapuwe makuru,Ngo ndava yo kuviya kunothyisa kwa JehovhaNo kukura ko ukuru hwake,Pa njiku yaanozomuka kuti atetemerese nyika ngo kuthya.
22 Kuti zvimufambire ushoni, regeranyi kuthemba mundhu,Anofema mwiha uri mu miro mwake.
Ngenyi munodikana kurangarira ngo pamusoro pake?
