Nduyo 10:1-18
ל [Ramedhi]
10 Jehovha, ngenyi muri ndhambo maningi?
Ngenyi munojiviga pa nguva yo dambujiko?
2 Mushati anojikuja, anoteverera mundhu acina mubeseri,Asi iyena anozobathwa ngo mazano aakaronga.
3 Ngokuti mushati anodada ngo ndava yo zvido zvake zvakashataIyena anokomborera mundhu ano makaro;*נ [Nuni]Iyena aareremeji Jehovha.
4 Ngo ndava yo kujikuja kwake, mushati aapsaki Mwari;Nguva jese iyena anoti: “Akuna Mwari.”
5 Zvese zvaanoita zvinoenderera mberi zvecibudirira,Asi iyena aazwisisi matongero enyu;Iyena anoshora vavengi vake vese.
6 Iyena anoti mu mwoyo mwake: “Narini andizowi;*Andizovoni dambujikoKu mubarihwana no mubarihwana.”
פ [Pe]
7 Muromo wake unobhuya masoko o kutuka, o kunyepa no anothyisijira;Pasi po rurumi hwake pakazara ngo masoko anotuka no anokhuvaza.
8 Iyena anofindarira vandhu mu mamuzi;Ari paakafindararo, anouraya vandhu vacina ndava.
ע [Ayine]
Majiso ake ari kupsaka mundhu kuti amuuraye.
9 Iyena anoimira ari pa ndau yake yaanofindarira inga zvinoita mbhondoro.
Iyena anoimira kuti abate wiya acina mubeseri.
Iyena anobata wiya acina mubeseri ngo murau wake.
10 Iyena anotambuja no kuwisa pasi wiya waanobata;Vaya vacina simba vanowira munyara jake.
11 Iyena anoti mu mwoyo mwake: “Mwari wazvikanganwa.
Iyena wafuratirisa kumeso kwake.
Iyena aavoni zviri kuitika.”
ק [kofe]
12 Jehovha mukanyi. Mwari wangu, khombijanyi simba renyu.
Mucakanganwa vaya vacina mubeseri.
13 Ngenyi mushati aareremeji Mwari?
Iyena anoti mu mwoyo mwake: “Imwimwi amuzonditongi.”
ר [Reshi]
14 Asi pakambhera ngo kuitika nyathwa no dambujiko, imwimwi munozvivona.
Munozvisota mokhombija simba renyu.
Mundhu anotambujwa anotizira kwamuri;Ndimwi munobesa ndherera.*
ש [Shini]
15 Guranyi mukono wo mushati no wo mundhu anoita zvakashata,Kuti pamunozopsaka ushati hwake,Mutame kuhuwana.
16 Jehovha ndi Mambo wo kwenda no kwenda.
Majinja anozongara-ngara panyika.
ת [Tawi]
17 Jehovha, imwimwi munozozwa mukumbiro wo vandhu vakapfava.
Imwimwi munozovangisa mwoyo yavo no kunasa kuteya njeve kwavari.
18 Imwimwi munozotonga ngo njira yakarurama shwiro jo ndherera* no jo vandhu vanobzinyirihwa,Kuti vazotame kuthyisijihwazve ngo mundhu ari wese wo panyika.
Masoko o Pasi
^ Kangaije: “Mundhu ano makaro anojikomborera ega.”
^ Kana: “andizothethereki.”
^ Kana: “mwana wakafihwa ndi baba.”
^ Kana: “mwana wakafihwa ndi baba.”
