Nduyo 115:1-18
115 Asipi kwatiri, Jehovha Mwari wedu, asipi kwatiri,Asi rukujo ngauende ku zina renyuNgo ndava yo rudo hwenyu hucikacinji no kugondeka kwenyu.
2 Ngenyi majinja aidikana kunanga kudari:
“Ari kwapi Mwari wavo?”
3 Mwari wedu ari kumatenga;Iyena anoita zvese zvaanoda.
4 Zvithombe zvavo ngo zvo sirivha no goridhi,Zviro zvakaitwa ngo nyara jo vandhu.
5 Izvona zvino muromo, asi azvivereketi;Izvona zvino majiso, asi azvivoni.
6 Izvona zvino njeve, asi azvikwanisi kuzwa;Izvona zvino miro, asi azvikwanisi kunuhija;
7 Izvona zvino nyara, asi azvikwanisi kubata ciro;Izvona zvino murenje, asi azvikwanisi kufamba;Padokoriro pazvo, apabudi izwi.
8 Vandhu vanozviita, vanozoezana na izvona,Kubatanijavo no vandhu vese vanozvithemba.
9 Iwewe Iziraeri thembai Jehovha.Ndiyena mubeseri wako no muvhiko wako.
10 Iwewe nyumba ya Aroni, thembai Jehovha.Ndiyena mubeseri wako no muvhiko wako.
11 Imwimwi munothya Jehovha, thembanyi Jehovha.Ndiyena mubeseri wenyu no muvhiko wenyu.
12 Jehovha aatikanganwi, iyena anozotikomborera;Anozokomborera nyumba yo Iziraeri;Anozokomborera nyumba ya Aroni;
13 Iyena anozokomborera vaya vanothya Jehovha,Vadoko pamwepo no vakuru.
14 Jehovha anozomuita kuti imwimwi muwande maningi,Imwimwi no vana venyu.
15 Imwimwi komborehwanyi ndi Jehovha,Wiya wakaita denga no nyika.
16 Matenga ngo a Jehovha,Asi nyika wakaipa vandhu,
17 Vandhu vakafa avasimbi Jehovha;*Nee mundhu ari wese anoenda mu guva, aakwanisi kumusimba.
18 Asi itusu tinozosimba Jehovha.*Kuvhira wari mbhera narini.
Simbanyi Jehovha!*
Masoko o Pasi
^ Kana: “Jah.” Uku ikugurisihwa ko zina ra Jehovha.
^ Kana: “Jah.” Uku ikugurisihwa ko zina ra Jehovha.
^ Kana: “Areruya!” Kana: “Jah.” Uku ikugurisihwa ko zina ra Jehovha.
